ВМРО-ДПМНЕ вчера го избра својот кандидат за претседател на државата – ја номинираше универзитетската професорка Гордана Силјановска-Давкова.

Делегатите на денешната Конвенција на ВМРО-ДПМНЕ ја избраа Гордана Силјановска Давкова за претседателски кандидат на оопзициската партија

Претседателот на Собранието на Република Северна Македонија, Талат Џафери испрати покани за учество во набљудувањето на изборот за претседател на државата што ќе се одржи на 21 април 2019 година (недела), прв круг и на 5 мај 2019 година (недела), втор круг.

Согласно Роковникот на Државната изборна комисија за претстојните претседателски избори, Министерството за информатичко општество и администрација до Комисијата најдоцна до утре треба да ги достави податоците за вработените во државната и општинска администрација, администрацијата на Град Скопје, како и јавната администрација, за формирање на општинските изборни комисии (ОИК).

Во однос на можноста повторно да биде кандидат за претседател, Пендаровски вели дека ако постои широка поддршка од граѓаните, ќе се кандидира, но тоа зависи од волјата на граѓаните и без нивната поддршка не би бил кандидат.

Државната комисија за спречување на корупцијата најави дека покрај контролата на законитоста на финанирањето на политичките партии и изборната кампања за престојните избори, што произлегува од проширените нови надлежности на Комисијата, ќе води сметка и контрола на трошењето на државните ресурси за партиски цели.

Извршниот одбор на СДСМ одлучи да нема предвремени парламентарни избори, заедно со претстојните претседателски избори, како што бараше опозицијата. Одлуката како што велат од партијата е донесена во интерес на граѓаните и државата.

На седницата на ИО на СДСМ се очекува да стане збор и за кандидатот за претседател на државата. Заев не ја исклучи можноста тоа да биде консензуален кандидат, за што, како што најави, ќе се разговара не само со коалицискиот партнер ДУИ, туку и со другите партии.

Премиерот и претседател на СДСМ, Зоран Заев вечерва пред седницата на Извршниот одбор на партијата одговарајќи на прашање за можни предвремени парламентарни избори вели дека не сака да влијае на одлуките на мнозинството и оти пред се треба да се има одговорност пред државата.

Лидерот на Алијансата за Албанците, Зијадин Села, гостувајќи во емисија на тиранската телевизија Ора њуз, рече дека „албанските партии во Македонија сериозно размислуваат за заеднички претседателски кандидат“.