– Во Битола точно во 7 часот се отворени сите избирачки места и почна изборниот процес за вонредните парламентарни избори.

Во Делчево гласањето за предвремените парламентарни избори почна навреме и се одвива во најдобар ред. Утрово на гласачкото место „Св.Климент Охридски“ каде гласаат граѓаните на избирачките места од 0580 до 0583 беше забележлива раздвиженост, особено на лица од повозрасната популација кои рекоа дека немале никакви проблеми при гласањето.

Одѕивот на гласачите до 11:00 часот врз основа на податоците од Државната изборна комисија за 3.134 избирачки места од 3.480, во сите шест изборни единици, е 11 отсто. До 11:00 часот на гласање излегле 199 495 граѓани, соопшти на прес-конференција претседателот на ДИК Оливер Дерковски.

Излезеноста во Општина Кратово до 9 часот изнесува 6,32 отсто од обработени 19 од вкупно 37 избирачки места, информира Марија Петковска, претседателка на ОИК, Кратово. Во оваа општина од североистокот право на глас имаат 7.881 граѓанин.

Одѕивот на гласачите до 11:00 часот врз основа на податоците од Државната изборна комисија за 3.134 избирачки места од 3.480, во сите шест изборни единици, е 11 отсто. До 11:00 часот на гласање излегле199 495 граѓани, соопшти на прес-конференција претседателот на ДИК Оливер Дерковски.

Според потврдените информации добиени од набљудувачите и регионалните канцеларии на Граѓанската Асоцијација МОСТ, на гласачките места покриени од МОСТ нема неправилности, а гласањето се одвива безбедно, со почитување на здравствените протоколи.

Од вкупно 45.989 граѓани со право на глас во Велес до 9 часот на гласање излегле 8,52 отсто од гласачите. Гласањето се одвива на 84 избирачки места во општина Велес.

За време на предизборниот молк, до 07 часот односно отворање на избирачките места, биле регистрирани осум настани од кои шест биле на подрачјето на СВР Скопје и по еден на подрачјето на СВР Струмица – Полициска станица Гевгелија и еден на подрачјето на СВР Велес.

На избирачките места во кочанскиот регион, три часа по почетокот на гласањето, излезноста за предвремените парламентарни избори изнесува околу 5,5 отсто.

Одѕивот на гласачите до 9:00 часот врз основа на податоците од Државната изборна комисија за 3.024 избирачки места од 3.480, во сите шест изборни единици, е 6,60 отсто. До 9:00 часот на гласање излегле 119.775 граѓани, како што е објавено на страната rezultati.sec.mk.