Во Куманово денеска право на глас имаат 189 болни и немоќни, како и затвореници во затворот Кшање, информираа од ОИК Куманово. Гласаат и корисниците на Домот за стари лица „Зафир Сајто“.

Здружението на новинарите на Македонија (ЗНМ) и Советот за етика во медиумите на Македонија (СЕММ) најостро ги осудуваат, како што наведуваат во соопштение, случаите на грубо прекршување на изборниот молк од страна на повеќе онлајн-медиуми во текот на вчерашниот ден

Во рамки на законските рокови, Агенцијата најавува дека ќе поднесе барања до надлежниот суд за покренување прекршочни постапки против двете телевизии.

Без проблеми се одвива гласањето на избирачкото место 2291 А во Затвор Штип. Гласачкото место е отворено во 7:00, а ќе биде затворено во 21:00 часот.

Согласно заклучокот на Владата од 74-тата седница одржана на 7 јули годинава среда, 15 јули, е неработен ден за сите граѓани во Република Македонија поради одржување на предвремени парламентарни избори и тој нема да се одработува, соопшти денеска владината Прес-служба.

Правото на глас на предвремените парламентарни избори денеска го остваруваат 230 болни и изнемоштени лица од Охрид, како и 13 затвореници.

Непречено и без проблеми се одвива гласањето во Прилеп на болните и изнемоштени лица. Пријавени се 489 болни и изнемоштени.

Воедно од таму истакнуваат дека народниот правобранител, правата на граѓаните ќе ги штити со преземање на итни мерки за ефективно постапување од странa на надлежните органи во изборниот процес и другите институции кои се должни да им обезбедат заштита на нивните загарантирани права.

Вкупно 347 болни и изнемоштени лица од Крива Паланка и 72 од Општина Ранковце денеска имаат можност да го остварат своето избирачко право за претстојните парламентарни избори.

Во општините Кичево, Македонски Брод и Пласница денеска правото на глас го остваруваат вкупно 682 лица – изнемоштени и болни. Гласањето почна навреме, во 7 часот, и до овие моменти се одвива без потешкотии, информираат од изборните комисии на овие три општини