Лидерот на политичката партија Демократска унија за интеграција Али Ахмети на предизборен собир во гостиварско Чегране побара членството и граѓаните да се мобилизираат за вториот круг и да го поддржат кандидатот на ДУИ, Невзат Бејта.

Тој истакна и дека фокусот на актуелниот градоначалник на решавањето на градските проблеми предизвикал тој да заборави на политикантството, што можеби и му се „удрило од глава“.

Претседателот на ВМРО-ДПМНЕ Христијан Мицкоски вечерва од Охрид ги повика граѓаните да се обединат и мобилизираат, се со цел да покажат слога во намерата да се направи подобро, додавајќи дека само рамо до рамо сите заедно ќе успеат да создадат нова иднина.

Мицкоски нагласи дека новиот патриотизам во кој верува е заедништво кое руши ѕидови кои не раздвојуваат, како и патриотизам во кој Македонија ќе биде со силен р'бет и челична волја за победи и успеси, заедничка мајка на сите судбински скокови, разочарувања и успеси.

Нашата борба не треба да биде само континуитет на идеите и идеалите кои ги црпиме од големите имиња од нашата историја. Енергијата за нашата борба и мотивот за новата иднина е пред се поради тивките, но големи херои кои се покрај нас.

Лидерот на ВМРО-ДПМНЕ Христијан Мицкоски вечерва пред граѓаните во Охрид порача дека решението за да се стави крај на оваа апатија е зад параванот, порачувајќи дека решението е во волјата на граѓаните и нивните соништа за заедничка иднина.

Прогресивното граѓанство на 31-ви октомври ќе гласа за Прогрес – бидејки тоа е неговата, тоа е нашата лична идеологија – најдоброто за сите, порача вечерва претседателот Зоран Заев пред граѓаните на Скопје.

Претседателот Мицкоски додаде дека ВМРО-ДПМНЕ ќе имаме искрен однос на почит и пријателство и секогаш пријателски пружена рака кон соседите, но со целосно право да ги заштитиме интересите важни за Македонија.

Новата иднина е исправање на неправдите, ослободување на стегите на ова наше општество. Победа над стравовите, победа над делбите на наши и ваши, леви и десни. Новата иднина е да работиме, да се креваме тогаш и кога паѓаме.

Мицкоски пред граѓаните во Охрид потенцираше дека новата иднина е долгот на нашите претци, но и обврска за идните генерации, како и дека новата иднина е сон за тоа каква Македонија сакаме да имаме овие 30 години.