Во изјавата за новинарите, тој изрази искрено сочувство до семејствата на загинатите, нагласувајќи дека „оваа трагедија не може да не нè погоди и нас“, пренесува БТА.

Поранешниот министер за економија Крешник Бектеши вечерва е повикан на информативен разговор во полициска станица, во врска со синоќешниот пожар во ноќниот клуб во Кочани. Ова го потврдуваат од МВР за МИА.

Со едноминутно молчење премиерот Христијан Мицкоски ја почна прес - конференцијата на која потенцираше дека во неговиот живот имал многу тешки моменти и предизвици, но ова денес, како што рече, е убедливо најтешкиот ден од мојот живот.

За објектот каде се наоѓа дискотеката во Кочани никогаш не бил побаран елаборат за противпожарна заштита, покажуваат документите од Дирекцијата за заштита и спасување.

Стојанче Ангелов, директорот на Центарот за управување со кризи, изрази сочуство до семејствата на загинатите, посочувајќи дека глетката во дискотеката била ужасна.

Универзитетското студентско собрание при скопскиот Универзитет „Св. Кирил и Методиј“ вечерва информираше дека поднеле барање до Ректоратот за прекин на наставата. Оттаму информираат дека сите настани и работилници ќе бидат одложени поради трагичната несреќа во Кочани во која загинаа 59 лица, а 155 се повредени.

Клиниката Жан Митрев соопшти дека кај нив се згижени седум пациенти повредеи вои трагедијата во Кочани, од кои тројца се во животозагрозувачка состојба и се интубирани.

Тој искажа голема благодaрност до докторите и целиот медицински персонал во земјава, кои несебично се вклучија во укажување на помош на настраданите, како и благодарност за сите наши пријатели и соседни држави кои се ставија на располагање.

На градскиот плоштад во Штип вечерва се собираат граѓани кои палат свеќи за загинатите во трагичната несреќа во Кочани, јави дописникот на МИА од овој град.

Граѓани во Паркот на револуцијата во Кочани палат свеќи во чест на жртвите што загинаа во пожарот во дискотеката „Пулс“, јави екипата на МИА од терен.