Со почитување на сите протоколи, вчера успешно започна новата учебна година во државата. Во над шестотини основни и средни училишта учениците со маски на лицето и држење дистанца по точно седум месеци, конечно седнаа на училишните клупи

Лидерот на ДУИ Али Ахмети денеска треба да се јави на распит во Јавното обвинителство за организиран криминал и корупција

Над 15 илјади оздравени пациенти од Ковид-19 има во државата од почетокот на пандемијата. На светско ниво оваа бројка е речиси 26 милиони

Даштевски додаде дека да не беше поткупот на владината партија извесна беше победата на ВМРО-ДПМНЕ. Партијата што сега е на власт се плаши од силата на ВМРО-ДПМНЕ.

Докторот и епидемиолог Никола Пановски во гостувањето во емисијата Клик плус на ТВ 21 вели дека тестот за коронавирус е безобразно скап, и дека она што се прави по приватните клиники е уште побезобразно.

И неговиот сопартиец Красимир Богданов смета дека „кирилицата е чисто бугарска творба, создадена од Климент Охридски, во бугарска држава, за време на бугарските средновековни кралеви“, и повика на широка национална поддршка на овој предлог.

Министерот за здравство Венко Филипче смета дека носењето маски по осум часа на училиште не претставува никаков ризик за децата, и оти тоа е единствениот начин да се спречи трансмисијата на вирусот.

Министерството за образование и наука соопшти дека првиот училишен ден помина успешно за најголем дел од учениците во државата. Физичката настава, онаму каде што Владината комисија утврдила дека има услови, се одржува согласно протоколите пропишани од здравствените власти.

– Ние инсистираме на добрососедство, што не е критериум за членство што го измисли Бугарија, туку е европски – што треба да се набљудува за време на целата преговарачка рамка, ја пренесува БГНЕС изјавата на бугарската вицепремиерка.

Тие само ја нагласуваат важноста на трансформативната глобална визија за еманципација на жените и девојките, во согласност со она што е утврдено во Пекиншката декларација и Платформата за акција, истакна претседателот Пендаровски, во својот говор упатен преку видео-поракa.