Специјалната обвинителка Катица Јанева се очекува денеска да го презентира извештајот пред членовите на собраниската Комисија за политички систем и односи меѓу заедниците.

Шефовите на дипломатите на Македонија и на Грција Никола Димитров и Никос Коѕијас денеска попладне во Виена ќе имаат средба со медијаторот на Обединетите нации за спорот со името, Метју Нимиц.

Матични лекари одат во пензија или во странство, а сестрите остануваат без работа. Од Унијата на здруженија на медицински сестри бараат државата со закон да го заштити овој обучен здравствен кадар и кога ќе им завршат договорите.

26 ноември во 2008 година е датумот кој припадниците на полициската единица „Алфи“ ќе го паметат засекогаш, но не по добро. Во вооружен напад кај ПМФ, животот го загуби еден припадник на единицата, а двајца беа тешко повредени.

Како ноќ и ден, ја оцени состојбата во Македонија поранешниот генерален секретар на НАТО Лорд Џорџ Робертсон, споредувајќи ја ситуацијата во 2001 и сега и нагласувајќи дека земјата тогаш била на работ на крвав конфликт, а денеска е европска држава.

По 17 години можеме да кажеме дека големиот успех со сите маани на Охридскиот договор е дека тој ни даде можност да се врати мирот за во одреден момент да почнеме да зборуваме за кохезија во државата, истакна денеска министерката за одбрана Радмила Шекеринска во дебатата по промоцијата на групата за поддршка „Охрид“.

- Денеска сме тука заеднички да го објавиме конституирањето на Група Охрид, која ќе дава поддршка за успешно завршување на процесот за влез на Македонија во ЕУ и НАТО, рече Заев.

Претседателот на Република Македонија Ѓорге Иванов денеска го прими пратеникот Бертран Сор, претседател на групата за француско-македонско пријателство во Националното Собрание на Француската Република и пратеникот Грегори Галбадон, заменик претседател на групата за француско-македонско пријателство.

Министерот за надворешни работи Никола Димитров денеска од Стразбур порача дека консолидирањето на Европа е невозможно без стабилен, мирен и просперитетен Балкан.

Владата на Република Македонија на денешната 65. седница даде позитивно мислење за повеќе измени и дополнувања на законски решенија.