Владата го задолжила Државниот архив, до конечната реализација на ова решение, да спроведе постапка за санација за спречување на протекување на атмосферска вода во постоечкиот објект на кеј “Димитар Влахов“ во Скопје.

Високата претставничка за надворешна и безбедносна политика на ЕУ Федерика Могерини и еврокомесарот за проширување Јоханес Хан се очекува да ја посетат Македонија на 18 април, еден ден по објавувањето на Извештајот за напредокот на земјите од страна на Европската комисија.

Формирање комисија за утврдување одговорност за членовите на стручната комисија ангажирана за селекција и избор за најдобри авторски дела како дел од конкурсот за реализација на проектот „Млади поети“, како и поведување дисциплинска одговорност и суспензија на раководителот на Секторот млади.

Националниот координатор за НАТО Стево Пендаровски денеска изјави дека не е песимист, туку реалист во однос на прашањето за името, и оцени дека земјата се уште е во рана фаза од преговорите со Грција.

Три барања на автентични толкувања и две одлуки - за давање согласност за измени на Статутот на Комисијата за хартии од вредност и на Статутот на Универзитетот „Мајка Тереза, беа усвоени на денешното продолжение на 27. собраниска седница.

Неопходно е натамошно јакнење на независноста на судството, вклучително и на Судскиот совет и Советот на јавни обвинители, преку транспарентност во одлуките за именување и унапредување на судии и јавни обвинители, е еден од заклучоците од Извештајот во сенка за поглавјето 23: правосудство, борба против корупција и темелни права, што се однесува на периодот од мај 2016 до јануари 2018 година.

Речиси 40 закони од различни сфери, здравство, енергетика, земјоделство, туризам, екологија,..., денеска го поминаа првото читање во Собранието со што беше исцрпен дневниот ред на 38. седница.

Министерката за труд и социјална политика Мила Царовска потврди дека Основното јавно обвинителство по допрен глас истражува дали во процесот на посвојување деца одредени лица од Министерството барале пари. Но, таа не сакаше да даде дополнителни коментари.

– Ова е наметнат процес, исто како на неговиот прадедо. Не се плаши ниту тој, ниту јас, ниту фамилијата не им се плаши. – изјави таткото на Јане Ченто кој утринава повторно беше уапсен и вратен назад во притворот во истражниот затвор „Шутка“

Прашањето за Македонија не е дали постојат алтернативи за членството во НАТО, туку дали тие алтернативи се доволно квалитетни за земјата, изјави денеска националниот координатор за НАТО, Стево Пендаровски.