Премиерот Зоран Заев денеска изјави дека е поголем оптимист по последната рунда разговори во Виена на министрите за надворешни работи на Македонија и на Грција, Никола Димитров и Никос Коцијас со медијаторот Метју Нимиц и дека може да се најде решение за спорот со името.

Во следните десет дена и официјално ќе почне постапката за набавка за униформи за сите припадници на Армијата на Република Македонија најави денеска министерката за одбрана, Радмила Шеќеринска на одбележувањето на Денот на Првата механизирана пешадиска бригада во касарната „Страшо Пинџур“ во Петровец.

Да имаше „Д“ од доказ против мене, јас одамна немаше да бидам тука. Што не значи дека тие што ги уапсија се виновни. Апсолутно и тие не се виновни, но го понесоа товарот за овој случај, изјави поранешниот премиер и лидер на ВМРО-ДПМНЕ Никола Груевски одговарајќи на новинарсо прашање по завршувањето на првото рочиште за предметот на СЈО „Титаник“.

Во Република Македонија во учебната 2017/2018 година во деветто одделение запишани се вкупно 20 699 ученици. За целосен опфат на сите ученици со Конкурсот се обезбедени доволен број на слободни места и тоа: 24 915 на македонски наставен јазик, 10 020 на албански наставен јазик, 952 на турски наставен јазик и 34 на српски наставен јазик, односно вкупно 35 921 ученички места во сите јавни средни училишта во Република Македонија.

Седницата на Собранието на која ќе се најдат реформските закони треба да се одржи на 10 или 11 април. Ова е еден од заклучоците на денешната средба на претседателот на Собранието Талат Џафери со координаторите на пратеничките групи, на која не присуствуваше претставник на опозициската ВМРО-ДПМНЕ.

Судијата Осман Шабани го одложи судењето за предметот „Титаник“ на СЈО за 12 април, за да може одбраната на обвинетите да изврши увид во доказните материјали.

Премиерот Зоран Заев и шефот на дипломатијата Никола Димитров денеска одржаа работен состанок и се во постојана комуникација во врска со последната рунда разговори за името што се одржа во петокот во Виена, потврди за МИА владиниот портпарол Миле Бошњаковски.

Министерот за информатичко општество и администрација Дамјан Манчевски, ја отвори работилницата за „Национална рамка и стратегија за сајбер безбедност и функционирање на национален CERT/CSIRT“.

Одбраната на обвинетите во предметот „Титаник“ на почетокот од судењето што се одржува во новата зграда на Кривичниот суд, побара одложување на денешното рочиште за да извршат увид во доказниот материјал и да се подготват за главната расправа.

Понеделник, 9 април, вториот ден на Велигден според православниот календар, е неработен за сите граѓани на Република Македонија, соопшти денеска Министерството за труд и социјална политика.