Поради големиот број квалитетни проекти, како што беше речено, годинава, првично проектираната поддршка од 2,5 милиони денари беше зголемена на шест милиони.

Во соопштението се додава дека отсуството на нерамнотежи е видливо преку ниската и стабилна инфлација и поволната позиција на билансот на плаќања, контекст што придонесува за постојани интервенции со откуп на девизи од страна на Народната банка од почетокот на годината.

Според потпретседателката на ССК Габриела Кулебанова, за да се обезбеди успех на реформските програми потребна е конструктивна и одржлива двонасочна комуникација и интеграција помеѓу Царината и деловната заедница.

Ребалансот на Буџетот најверојатно ќе се најде пред собраниската Комисија за финансирање и буџет на 18 септември, информираат од Собранието.

Трошоците на живот во август годинава во однос на претходниот месец бележат раст од 0,3 отсто, а во однос на август лани 0,8 отсто, објави денеска Државниот завод за статистика.

Во јули годинава се издадени 284 одобренија за градење, за 2,9 проценти повеќе во однос на јули лани. Предвидена е изградба на 1.184 станови, од кои 599 во скопскиот регион, објави денеска Државниот завод за статистика.

Продажните цени на производителите на индустриски производи, вкупно, во јули годинава се повисоки за 0,4 отсто на месечно ниво, а за 2,3 проценти на годишно ниво.

Бензинот Еуросупер БС – 95 поевтинува за половина денар, а за тој износ поскапуваат дизелот и екстра лесното масло за домаќинства од ноќеска на полноќ, одлучи денеска Регулаторната комисија за енергетика (РКЕ).

АД Електрани на Македонија целосно ќе субвенционира вградување на инвертор клима системи за загревање на домаќинствата како супституција на огревното дрво, но не повеќе од 60.000 денари, најави денеска директорот на АД ЕСМ Васко Ковачески.

АД Електрани на Македонија испрати писмо со намери за вложување во изградбата на бугарската нуклеарна електрана „Белене“, потврди денеска генералниот директор на АД ЕСМ Васко Ковачески.