Министерот за економија Крешник Бектеши денеска ја посети Технолошко-индустриската развојна зона Тетово за да се запознае со динамиката на градежните активности на новата инвестиција во оваа развојна зона, компанијата „Глас Флекс“. Станува збор за македонско-холандска компанија, која веќе почна со градба на објектот, а според плановите се очекува да инвестира 9 милиони евра и да вработи 300 лица во наредниот период.

Преку 300 деца во општина Желино ќе добијат подобри услови за образование, преку реконструкција на училиштето во село Палатица, додека локалното население ќе добие подобра инфраструктура преку реконструкција на локалните патни правци Групчин и Ново Село.

Министерката за труд и социјална политика Мила Царовска, денеска одржа работна средба со претседателката на Сојузот на здруженија на пензионери на Македонија, Станка Трајкова и други преставници и членови на Извршниот одбор на Сојузот.

Единаесет апликанти се дел од предакцелераторската програма што ја започна Х фактор акцелераторот отворен денеска во Велес, прв таков субјект во Вардарскиот плански регион.

Цените на роаминг услугите од денеска за Србија, Босна и Херцеговина и Црна Гора се намалени за 68 проценти при појдовни повици, за 31 процент при дојдовни повици, за 71 процент за СМС и за 89 проценти за користење интернет. Намалувањето за сите роаминг услуги во Албанија и Косово е за над 93 проценти.

Апликацијата МојДДВ преку која граѓаните ќе можат да ги скенираат фискалните сметки веќе е достапна за преземање и подготвена за користење.

Цените на нафтените деривати од ноќеска на полноќ се зголемуваат од еден денар до денар ипол, одлучи денеска Регулаторната комисија за енергетика.

Гувернерката на Народната банка, Анита Ангеловска-Бежоска учествуваше на Годишната конференција и на Годишното генерално собрание на Банката за меѓународни порамнувања (БИС), што минатата недела се одржаа во Швајцарија.

Од Министерството за економија посочуваат дека во случајот Љуботен не се работи за тутунски производи, туку за тутун и оти Министерството, согласно новиот Закон за тутун и тутунски производи, има надлежност само да ги впише компаниите во регистарот согласно решението кое го добиваат од Пазарната инспекција.

Советот за регионална соработка, оперативно тело на земјите од Процесот за соработка во Југоисточна Европа денеска го поздрави намалувањето на цените во роаминг во регионот на Западен Балкан.