Вицепремиерот за економски прашања Кочо Анѓушев најави нова градежна офанзива и рече дека во 2019 година нема да има неангажирана градежна машина, ниту доволен број градежни машини да ги сработат сите проекти што ќе бидат отворени.

За 15 дена е продолжен рокот за поднесување барања за користење средства од ИПАРД 2 Програмата 2014 – 2020 за инвестиции во материјални средства за преработка на земјоделски и рибни производи.

Вработените во приватниот сектор, до крајот на годината ќе добијат регрес за годишен одмор попознат како К-15 во износ од минимални 9.610 денари.

Нискобуџетната авкиокомпанија Визер беше избрана на јавниот повик за авиосообраќање во Република Македонија, кој, како што информираше на прес-конференција министерот за траспорт и врски Горан Сугаревски, завршил денеска, а компанијата ги исполнила сите услови и критериуми во повикот.

Пратениците го изгласаа Буџетот за 2019 година. Вкупните приходи на буџетот за 2019 година се планирани на ниво од 210,8 милијарди денари, а расходите се планирани на 228,5 милијарди денари. Буџетскиот дефицит е 17,7 милијарди денари, односно 2,5% од БДП, што е намалување во однос на годинава за половина милијарда денари, или за 0,2 процентни поени како процент од БДП.

Групацијата Триглав, која работи на македонскиот пазар во 2019-та година планира добивка пред оданочување во износ помеѓу 80 и 90 милиони евра, консолидирана бруто премија од осигурување околу 1,1 милјарда евра и комбиниран коефициент во висина од околу 95 отсто.

Судирот на интереси не е корупција сам по себе, но тој станува корупција кога нема да се пријави и нема да се менаџира, беше речено на денешниот форум на тема „Судирот на интереси во власта – тенката линија до корупција“ што се одржа во Скопје во организација на Транспарентност Македонија, а во соработка со НВО Инфоцентар.

Просечната нето-плата исплатена во октомври изнесувала 24.817 денари и била повисока за 6,3 проценти во споредба со истиот месец лани, објави денеска Државниот завод за статистика.

Трет ден пратениците расправаат по дополнетиот Предлог на Буџет за 2019 година, кој за мнозинството е развоен и во интерес на граѓаните, а за опозицијата нереален и не обезбедува пари за граѓаните.

Градежната комора на Македонија, Министерството за транспорт и врски на Република Македонија, Општина Центар, Стопанската комора на Северозападна Македонија и останати релевантните чинители од секторот во Сојуз на стопански комори на Македонија на највисоко ниво дискутираа за актуелната состојба во градежништвото.