Собранието на Република Македонија денеска треба да ја продолжи расправата по предлог измените и дополнувањата на Буџетот, во второ читање.

Пратеникот Илија Димовски од редовите на ВМРО-ДПМНЕ денеска на собраниската расправа за ребалансот на буџетот кажа дека надолната корекција на проекцијата на БДП од 3,2 на 2,8 е само резултат на незнаењето и неработењето на Владата.

Кузмановска оцени дека е катастрофална економската политика што ја води СДСМ. Зголемени се, рече, јавниот и државниот долг, а во однос на ребалансот, решението за поддршка на општините не е добро.

Управата за јавни приходи информира дека утре сите даночни канцеларии (регионални дирекции, даночни одделенија и даночни шалтери) ќе бидат отворени за граѓаните за да можат да се регистрираат во Системот на Е-ПДД.

Комората на сметководители на Македонија го прослави денот на сметководството со седница на Собрание на која беа донесени значајни заклучоци, одлуки и акти за идни активности за унапредување на сметководството во Македонија, а кои ќе се спроведуваат во 2019 година.

Денеска е последен ден и затворање на Самитот Македонија2025. Врвни експерти зборуваа на теми поврзани со дигитална трансформација, примена на новите технологии во медицината, претприемништво, одговорно лидерство и други.

Надминување на проблемите за подобра бизнис клима, побараа стопанственици од Анѓушев на денешната средба во Кавадарци. Игор Мицев, раководител на сектор за правни работи во Кожувчанка, рече дека како компанија се чувствуваат дискрминирани кога е Законот за финансиска поддршка во прашање.

Над 40 милиони евра за поддршка на компаниите се планирани за следната година, најави денеска од Кавадарци вицепремиерот за економски прашања Кочо Анѓушев. На работната средба на Регионалната стопанска комора со претставниците на компании, тој говореше за мерките на Владата за подобрување на економијата.

Интерактивна табла наменета за училиштата, развиена во македонската компанијата „Вижн студио 2018“ преку проект реализиран со поддршка на Фондот за иновации и технолошки развој (ФИТР), денеска беше презентирана пред ученици во просториите на Фондот во рамки на проектот „Петок за млади“ што се спроведува во ФИТР секој втор петок во месецот.

Зголемување на износот на социјалната парична помош односно воспоставување на гарантиран минимален доход, јакнење на капацитетите на центрите за социјална работа, развој на социјални услуги на локално ниво, зголемување на опфатот на корисници на детски и образовен додаток со цел извлекување на ранливите категории од сиромаштија, се приоритетите на новите законски решенија во областа на социјалната и детската заштита.