Емилија Нацевска и Ана Митреска се именувани вицегувернери на Народната банка на Република Македонија. Предлогот на гувернерката Анита Ангеловска Бежоска Нацевска и Митреска да бидат избрани за вицегувернери во Народната банка на Република Македоија беше поддржан од Собранието на Република Македонија на 18 октомври во рамки на 60. седница. Ден потоа, како што информираат од НБРМ, Нацевска и Митреска дадоа свечена изјава пред претседателот на Собранието Талат Џафери.

Заинтересираните од денеска, па во наредните 50 дена ќе можат да аплицираат во Фондот за иновации и технолошки развој (ФИТР) за добивање средства од првиот јавен повик за старт-ап и спин-оф компании во вкупен износ од еден милион евра што се реализира во соработка со Светска банка.

На Економскиот факултет на УКИМ денеска ќе се одржи презентација на инструментот и критериумите и условите за аплицирање во рамки на новиот повик на Фондот за иновации и технолошки развој од еден милион евра финансиска поддршка на новоосновани „стартап“ и „спиноф“ компании.

Владина делегација предводена од вицепремиерот за економски прашања Кочо Анѓушев од денеска до среда ќе присуствува на Светскиот инвестициски форум што ќе се одржува во седиштето на Организацијата на Обединетите нации во Женева.

Откупувачите на сливи и преработувачи на пченица од денеска до 25 декември ќе може да поднесуваат барања за финансиска поддршка за откупени сливи и пченица од домашно производство од годинашната реколта.

На охридско-струшкиот регион потребна му е голема конгресна сала што ќе ја зголеми понудата за семинарски туризам, смета претседателот на здружението на хотелиери – ХОТАМ, Крсте Блажески.

Досега нема направено речиси никаков исчекор во оваа насока. Од 600 регистрирани компании за он-лајн продажба, квалитетни се само пет. Но, дигитализацијата не подразбира само отворање веб страници и овозможување електронско купување, туку значи примена на најсовремените ИТ решенија во целокупниот технолошки процес на фирмите, како и промена во размислувањето на нивните вработени.

Мотивирање на средношколците да отворат сопствен бизнис позициониран за освојување на странски пазари и да генерираат вработување, за себе и за другите. Ова е целта на денешната панел дискусија „Од идеја до странски пазар“.

Во насока на зголемување на органското производство, наскоро ќе биде објавен оглас за закуп на државно земјоделско земјиште до три хектари, најави денеска министерот за земјоделство, шумарство и водостопанство Љупчо Николовски.

Министерот за финансии, Драган Тевдовски денеска во Штип изјави дека Владата презема низа мерки за да му помогне на приватниот сектор.