Македонската економија значително закрепна во однос на 2017 година и се гледаат позитивни движења поддржани од приватните инвестиции и потрошувачката. Се очекува годинава економијата да забележи раст од 2,5 проценти, следната 2,9 проценти и 2020 година 3,2 проценти. На ваквите очекување може да влијае нарушувањето на реформскиот процес под влијание на изборните циклуси и неисполнување на фискалната консолидација.

Економската соработка меѓу Македонија и Финска не е на задоволително ниво иако постојат можности за интензивирање, сметаат бизнисмените од двете држави кои денеска во Скопје на бизнис форум ги разгледаат опциите за идна соработка.

Стопанската комора на Македонија во соработка со Финската амбасада во Република Србија и „Finnpartnership” денеска во Скопје организираат бизнис форум „Doing Business with Finland“ со цел интензивирање на економската соработка меѓу Македонија и Финска.

Агенцијата за промоција и подршка на туризмот на Македонија ја доби годинешната награда - Brand Leader Award 2018 на осмата бизнис конференција „Туристички пазар на Југоисточна Европа-СЕЕТ 2018-та“ што се одржува во Белград, а на која учествуваат над 400 преставници на национални и локални туристички организации, компании и институции од регионот, ЕУ, Русија, Кина, Турција и Иран.

Укинувањето на меѓународната железничка линија Белград – Солун е направено поради економска неисплатливост за нејзино одржување, потврди денеска министерот за транспорт и врски Горан Сугарески.

Во населбата Идризово денеска беше означен почетокот на изградбата на нов дистрибутивен центар на Прилепска пиварница во Скопје. Новиот објект ќе се простира на 5.040 метри квадратни на парцела од 11.500 метри квадратни која се наоѓа веднаш до веќе постоечкиот објект на Прилепска пиварница.

Намалување на времето на патување со воз, подобра соработка меѓу царината, граничната полиција, фитосанитарната, ветеринарната и радиолошката инспекција на Македонија и на Србија предвидува проектот за изградба на заеднички железнички граничен премин меѓу двете земји на граничниот премин Табановце што денеска беше презентиран во ЕУ-Инфоцентарот.

Вработените во прилепската наменска фабрика „Еурокомпозит“ денеска се собраа и децидно побараа пари за отпремнините на 130 вработени кои ќе заминат како технолошки вишок.

Септемвриските пензии што пензионерите ќе ги добијат во октомври ќе бидат повисоки за 1,8 отсто согласно усогласување на пензиите за 2018 година за 1,8 отсто кое се прави согласно порастот на платите и трошоците на живот, соопшти Министерството за труд и социјална политика. Во износот на оваа исплата, ретроактивно ќе биде вклучено и новото усогласување на пензиите од 1,8 отсто за месеците јули и август.

Министерството за земјоделство, шумарство и водостопанство подготви интервентна мерка за индустриското јаболко, коепоради временските непогоди има поголема количина и не може целосно да биде преработено во домашните капацитети. Од МЗШВ соопштуваат дека мерката ќе биде финализирана до крајот на оваа недела, а ќе биде дискутирана на следната владина седница.