Во 2016 година во Република Македонија за девет проценти повеќе се платени даноци поврзани со животната средина, објави Државниот завод за статистика.

Нови шест милиони евра од јануари 2019 година по системот на ваучери ќе им се доделуваат на спортистите, спортските клубови и федерации за развој на спортот, омасовување и постигнување врвни резултати.

Сугарески со прилепскиот градоначалник Илија Јованоски направи увид во градежните работи на една од најфрекфентните улици во Прилеп, која ЈП „Македонија пат“ ќе почне да ја асфалтира.

Во следните 30 месеци во Македонија ќе се спроведува проект за одржливо енергетски-ефикасно градење кој треба да му се помогне на градежниот сектор да биде во чекор со вредностите и стандардите на градежништвото во европските држави.

Индустриското производство во август годинава во однос на август лани бележи раст од 2,1 проценти, а во периодот јануари - август годинава во однос на тој период лани раст од 5,1 процент, објави Државниот завод за статистика.

Во првиот квартал од годинава дојде до значително подобрување на показателите преку кои се следи банкарскиот систем, меѓу другото и како резултат на стабилизацијата на очекувањата во домашното опкружување, констатира Советот на Народната банка на Република Македонија на денешната 15. седница на која беше разгледан Извештајот за ризиците во банкарскиот систем во Република Македонија во првиот квартал од 2018 година.

Влезот во НАТО ќе значи поголема сигурност и безбедност за светскиот турист, како и засилени инвестиции во туристичката инфраструктура, а со отворените врати кон Европа нашите амбициозни цели можат да станат реалност во многу скоро време, рече денеска министерот за економија Крешник Бектеши на манифестацијата по повод Светскиот ден на туризмот.

Со засадување на над 300 години старо маслиново дрво како симбол на мирот и пријателството, денеска во ТИРЗ Бунарџик беше озачен почетокот на изградбата на објектот на албанската фармацевтска компанија „Саген“, прва албанска инвестиција во слободните зони во Македонија.

Мерките, активностите како и финансиската поддршка што Владата им ги нуди на домашните потенцијални инвеститори беа тема на денешната презентација одржана пред охридската бизнис заедница.

Во првата половина на ноември 2018 година ќе биде објавен нов јавен повик за користење финансиски средства од ИПАРД 2, соопшти денеска Платежната агенција.