Потенцираше дека веќе десет години во нашата држава функционира наградата за општествено одговорни практики во претпријатијата и според нивното истражување досега само 173 претпријатија имаат пријавено општествен одговорни практики.

АД „Електрани на Македонија“ во петокот на аукција продаде 99.400 мегават часови вишоци електрична енергија по просечна цена од 66,01 евро по мегават час во вкупна вредност од 6.561.055 евра.

Министерството за транспорт и врски денеска го објави повторениот повик за субвенции за евтини авиолинии за домашни и странски авиопревозници кои ќе оперираат од Скопскиот и Охридскиот аеродром.

Регистрацијата на физичките лица на системот е-Персонален данок за новиот концепт на Годишната даночна пријава е неопходна за да се спроведе успешна реформа, а Управата за јавни приходи ќе ги користи сите канали на комуникација за да не биде никој изземен во тоа и да се стигне до сите обврзници.

Девизниот прилив од туризмот во првата половина од годинава порасна за 26,6 отсто во споредба со истиот период лани.

Министерот задолжен за регулатива за подобрување на инвестициска клима за домашните компании Зоран Шапуриќ денеска ја посети компанијата за производство на здрава храна Виталиа ДОО Скопје, при што се запозна со нејзиното работење, перспективите, плановите за развој и потешкотии во работењето.

До крајот на годинава се очекува донесување нов правилник што треба да ги олабави условите за индивидуалните производители на домашни сирења, колбаси, јајца, мед,... и да ги поттикне да се регистрираат.

Реализацијата на капиталните инвестиции на Министерството за транспорт и врски кај основниот буџет заклучно со август изнесува 63,25 проценти. Ресорниот министер Горан Сугарески очекува дополнително зајакнување на реализацијата во третиот и четвртиот квартал и прогнозира до крај на годинава да изнесува над 95 проценти.

Тринаесетчлена комисија од различни институции предводена од министерот за економија Крешник Бектеши денеска го посети скопскиот хотел „Александар II“ со цел да ја утврди неговата категоризација.

Според податоците на Државниот завод за статистика, од вкупниот број издадени одобренија за градење, 146 (52,9 отсто) се наменети за објекти од високоградба, 39 (14,1 отсто) за објекти од нискоградба и 91 (33 отсто) за објекти за реконструкција.