Прехранбената индустрија „Витаминка“ започна со производството на маслото за јадење „Брилијант“ со што е рестартирано производството на овој бренд откако прилепската компанија ги купи погоните за производство и познатиот бренд „Брилијант“.

Се подготвува понуда на македонска зелка за рускиот пазар. Се собираат податоците за расположливите количини и цените. Интензивно се водат разговори за пласман, рече министерот за земјоделство, шумарство и водостопанство Љупчо Николовски.

Инвестициската група „Галена“ која е подружница на реномираната канадска инвестициска група „Трафигура груп“ купила 20 отсто од акциите од „Еуромакс ресорсис“, информираат од компанијата.

Бизнисмените да ја користат арбитражата во споровите наместо да одат по судови затоа што со тоа ќе заштедат и време и пари, апелираат од Постојаниот суд Арбитража при Стопанската комора на Македонија.

Раководителите на деловните субјекти во преработувачката индустрија имаат поповолни очекувања за обемот на производството во наредните три месеци во однос на февруари, додека залихите на готови производи се намалени

Малопродажната цена на бензините од ноќеска но полноќ се зголемува за половина, а на дизелот и екстра лесното за еден денар.

Хидроцентралите „Шпиље“ кај Дебар и „Глобочица“ кај Струга, кои го сочинуваат Црнодримскиот слив, во првиот квартал од годинава забележале поголемо прозводство на електрична енергија, споредено со истиот период лани.

Дел од експертите објаснуваат дека ситуацијата воопшто не е едноставна зошто со завршување на мандатот на гувернерот, ограничена е функцијата на вицегувернерите. Тие укажуваат „значи согласно правните норми, монетарната политика во Македонија ќе остане обезглавена“.

Со лет на авиокомпанијата „Онур Ер“ од Истанбул денеска на охридскиот аеродром „Свети Апостол Павле“ пристигна првата група од 180 турски туристи што организирано ќе летуваат на Охридско-струшката ривиера.

Во првиот квартал од годинава АД Електрани на Македонија произвеле вкупно 1132,2 гигават-часови електрична енергија, од кои хидроелектраните произвеле 420,8 гигават-часови, термоелектраните 687,7, а Ветропаркот Богданци 23,8 гигавати, соопшти директорот на АД ЕЛЕМ Драган Миновски.