Решението, рече, би требало да ги интегрира во себе и големите производствени компании, маркети, фактички сите кои имаат пазарни вишоци што реално завршуваат на депонија, а, како што потенцира, ние сакаме да завршат кај оние на кои им е потребно.

На факултетите за електротехника и информациски технологии, за информатички науки и компјутерско инженерство и на Машинскиот факултет при Универзитетот „Св. Кирил и Методиј“, од денеска до 5 април се одржува петтиот саем за вработување и пракса „Контакт“, на кој ќе се претстават 22 реномирани компании од областа на електротехниката, електрониката, машинството и информатичките науки.

Владата на Република Македонија денеска ќе ја разгледа Нацрт-одлуката за одобрување на периодот за закуп на градежно земјиште во ТИРЗ Скопје 1 и за висината на закупнината за „Баумер ДООЕЛ Скопје“ чија матична компанија е „Баумер Холдинг АГ“ од Швајцарија.

Визно либерализирање за привлекување туристи од дестинации од повеќе делови во светот, итни промени во законите за туризам и за угостителска дејност и носење стратегија за областа, бара Здружението за туризам и угостителство при Стопанската комора на Македонија.

Македонија е во фаза на економски раст. Оваа година очекуваме понатамошно интензивирање на економскиот раст. Од политичката стабилност и од политиките за враќањето на довербата кај инвеститорите се очекува раст на приватните инвестиции, истакна премиерот Зоран Заев денеска во своето обраќање на Првата годишна конференција на Министерството за финансии „2 Април - Ден на Буџетот“.

Бензините од ноќеска на полноќ поскапуваат од 1,5 до два денари за литар, одлучи денеска Регулаторната комисија за енергетика.

Во Собранието на Република Македонија денеска ќе се одржи Првата годишна конференција на Министерството за финансии по повод 2 април, денот кога беше донесен првиот Буџет на независна Република Македонија.

Според Страшо Јовановски, претседател на МАКАМТРАНС, зад продажбата стои урбано-политичка мафија предводена од структури на поранешната власт.

Процесот на денационализација на имотот во Македонија заврши во 2012 година. Беа решени над 30 илјади предмети во кој е вратен имотот или исплатени се обврзници.

Министерот за транспорт и врски Горан Сугарески и директорот на Јавното претпријатие за државни патишта Зоран Китанов денеска извршија увид во градежните активности кои се вршат на автопатската делница Неготино – Демир Капија. Вредноста на овој проект е пет милиони евра.