Бруто домашниот производ во последниот квартал од 2017 година забележал раст од 1,2 проценти, објави Државниот завод за статистика.

Во организација на телекомуникациската компанија Вип, денеска се одржа првата конференција “Women in Digital” чија главна тема е улогата и значењето на дигиталната технологија во развојот на општеството, како и нејзиниот придонес за еднакво учество на жените и мажите во сите општествени процеси, вклучувајќи го и бизнисот.

Македонија2025 објавува отворен повик за ЛИДЕР проектот кој по 11-ти пат ќе се одржи во Скопје од 7-ми до 18-ти мај. Ivey School of Business го организира ЛИДЕР проектот уште од 1991-ва година.

Владата ќе бара начин да ги привлече иселениците да инвестираат во Македонија. Освен што ќе можат да ги користат средствата предвидени со Предлог-законот за финансиска поддршка на инвестициите, се планира дополнителна мотивација која, како модалитет, би се вметнала или во тој текст на законот или во Планот за економски раст, рече денеска министерот за економија Крешник Бектеши.

Индиската компанија „JSW“ и „ИГМ“ од Кавадарци се заинтересирани за нови инвестиции во производство на електрична енергија од обновливи извори, соопшти Владата.

За поинтензивни економски односи меѓу Македонија и Полска, потребна е поголема соработка меѓу стопанските комори во двете земји, оценија денеска вицепремиерот Кочо Анѓушев и полската министерка за претприемништво и технологии Јaдвига Емилиевич на средбата во Варшава.

- Јавниот повик е објавен, а негов предмет е доделување финасиски средства од страна на Министерството за економија за финансирање на кластерското здружување, за што е обезбеден буџет во износ од пет милиони денари - соопшти Министерството.

Сојузот на здруженија на тутунопроизводители на Република Македонија им препорачува на откупувачите за 20 отсто да ги зголемат понудените откупни цени по класи и типови тутун за реколтата од 2018 година заради зголемените трошоци за производство и подобриот квалитет на родот.

Николовски и Љајиќ по средбата истакнаа дека двете страни направиле отстапки за да се дојде до решение на проблемот, а брашното само ги отворило прашањата за бариерите кои мора да се отстранат за да се унапреди трговијата меѓу двете земји.

Во февруари годинава во однос на јануари 2018 година цените на мало бележат раст од 0,1 отсто, а во однос на февруари лани 3,5 проценти, објави Државниот завод за статистика.