Побарувачката на кредити од претпријатијата во последниот квартал од 2017 година во банките била со посилна динамика во однос на претходниот период, а банките очекуваат и во наредните три месеци да се зголемува побарувачката.

Новата Влада нема направено никаква законска измена во поглед на ДДВ, а во постапувањето на УЈП не постои промена по ова прашање. Сите физички лица не се обврзници за цели на ДДВ, напротив станува збор за многу мал број лица.

Состојбите во економијата се подобруваат. Податоците на НБРМ за економската активност за третиот и расположливите податоци за четвртиот квартал од минатата година упатуваат на постепено подобрување на состојбата во економијата.

Министерот за транспорт и врски, Горан Сугарески и директорот на Македонски Железници - Инфраструктура, Ирфан Асани, денеска имаа средба со претставници на кинеската компанија China Railway Group Limited.

Партнерството меѓу владите, приватниот сектор и образовните системи обезбедува мотивирачко и напредно општество, истакна премиерот Зоран Заев на денешното свечено отворање на Институтот за бизнис и менаџмент од Хајделберг со седиште во Скопје.

Поради протестот на 200 работници од „Веибо Груп“ од Крива Паланка, магистралниот пат Куманово – Крива Паланка беше блокиран три часа.

Ивица Јакимовски д.и.а., генерален директор на градежната компанија „Голден Арт“ е избран за претседател на Градежната комора на Македонија при Сојуз на стопански комори на Македонија (ССК). Компаниите членови на Градежната комора на Македонија, на годишното собрание едногласно му го доделија мандатот за следните две години.

ЦЕА смета дека барањата за генерирање на долгот од страна на единиците на локална самоуправа (ЕЛС) и неговото евентуално надмирување од централната власт за покривање на неплатените обврски на општините и нивните јавни претпријатија води кон натамошно еродирање на правната држава.

Трговијата меѓу Бугарија и Македонија бележи раст од близу 11 проценти во 2017 година. Притоа, извозот од Бугарија се зголемил за три проценти.

Од Управата за јавни приходи (УЈП) апелираат до граѓаните задолжително да поднесат годишна даночна пријава, најдоцна до 15-ти март годинава.