На денешната церемонија за доделување награди од независни жири комисии во рамки на Берлинскиот меѓународен филмски фестивал, беше соопштено дека престижната награда од жири комисијата “Ecumenical” ја добива нашиот „Господ постои, името ѝ е Петрунија“ на Теона Стругар Митевска.

Младинскиот ансамбл на културно-уметничкото друштво “8 Октомври” кој функционира при Националната установа Центар за култура, Крива Паланка интензивно се подготвува за планираниот настап на 14-тиот Интернационален детски фолклорен фестивал “Чинарчик Јелоуа” во Република Турција.

Македонската опера и балет вечер од 20 часот ќе ја изведе операта „Хофманови приказни“ на Жак Офенбах на австриската режисерка Урсула Хорнер, во која поетот Ернест Теодор Хофман ги раскажува своите вонвременски приказни за љубовта.

Средношколци од шест скопски училишта денеска попладне во Центарот за иновации „Јавна соба“ ќе го актуелизираат проблемот со врсничкото насилство и ќе прикажат примери преку методот на форум-театар како креативна алатка за изразување и пронаоѓање решенија.

Штипските културни институции задоволни од проектите одбрени од Министерството за култура. Директорот на Заводот за заштита на споменици и Музеј на град –Штип, Митко Штерјов вели дека годинава добиле финансиска поддршка од осум милиони денари. Најголем акцент годинава археолозите ќе дадат на истражувањата на археолошкиот локалитет „Баргала“.

„Културата во земјите во транзиција“ – македонско-словачка монографија со прилози од 14 автори беше промовирана денеска на Скопскиот универзитет, во која тематски се актуелизира степенот на влијанието на културата врз процесот на транзиција во Централна и Југоисточна Европа и се толкува од различни аспекти.

Проектот „Светот на Биби“ беше промовиран на „Кидскрин самит“, најголемиот настан посветен на детската забавна индустрија во САД, што се одржа во Мајами, Флорида, од 11 до 14 февруари.

Македонско-словачка монографија „Културата во земјите во транзиција“ ќе биде промовирана денеска во Ректоратот на Универзитетот „Св. Кирил и Методиј“, во организација на Институтот за македонска литература.

Кумановскиот музеј доби 23 проекти, подржани и одобрени од Министерството за култура, соопштија денеска надлежните од оваа националната установа. Годинава ќе се осовременува историското одделение од музејската поставка, ќе продолжи откупот на етнолошки материјал, ќе биде подготвен документарен филм за бракови меѓу старите ерегени од Козјачијата со невести од Албанија.

Издавачката куќа „Везилка 2011” ја објави новата книга на познатиот словенечки филозоф Славој Жижек – „Ленин 2017 – сеќавање, повторување и разработка“.