Како и минатата година, и овој февруари е бурен за Министерството за култура, зашто Годишната програма за проекти кои финансиски ќе бидат поддржани во 2019 година повторно вчера предизвика бројни реакции, неколку часа по објавувањето на резултатите.

-Со големо внимание ги следам критиките, реакциите, пофалбите и предлозите, исто така сакам да ви кажам дека сум во постојан контакт со членовите на комисите и со правната служба при Министерството.

Сезоната, во која НТ „Антон Панов“ од Струмица ја одбележува 70-годишнината од постоењето, ја почнува со детската претстава „Пипи Долгиот Чорап“. Премиерата на ова култно дело од Астрид Линдгрен е в недела на големата сцена на театарот.

Студентите по актерска игра од четврта година на Факултетот за драмски уметности вечер ќе ја изведат на претставата „Ревизор“. Влезот на претставата е со донации во висина од можностите и желбата на посетителите.

Во Младински културен центар вечер од 20 часот ќе биде отворена изложбата „Загрозен модернизам: архитектонски сценарија за адаптивна (ре)употреба“.

По објавувањето на годишната програма на Министерството за култура, се редат директори на фестивали, издавачи, актери кои реагираат на распределбата.

Режисерката Зоја Бузалковска со писмо до Зоран Заев, даде оставка од Советот за култура поради Годишната програма на Министерството за култура.

Во Годишната програма на поддржани проекти од културата која Министерството за култура ја објави денеска, ја нема Авалон продукција. Сопственикот Бобан Милошески во изјава за медиумите вели дека не е изненаден, туку шокиран од тоа што Министерството не го препознало нивниот годишен проект „Авалон колинг“ со сите концерти што ќе ги организира до крајот на 2019 година.

Министерството за култура денеска на својата веб-страницата (www.kultura.gov.mk) ги објави резултатите од годишните конкурси за финансирање проекти од национален интерес во културата за 2019 година по дејности и области.

Агенцијата за филм на Република Македонија во писмена реакција на тврдењата на Меѓународниот филмски фестивал „Киненова“ наведува дека Фестивалот и минатата година не бил поддржан, бидејќи не ги задоволувал критериумите кои Филмскиот совет при Агенцијата ги земал предвид при разгледувањето на сите пријавени проекти.