Кумановци вчера во Уметничката галерија имаа можност да разгледаат 63 фотографии на изложбата Фото Салон Куманово, која што ја организираше по 12-ти пат, Фото кино клуб „Козјак“. Пред публиката беа презентирани наградени фотографии од автори од повеќе држави, меѓу кои и кумановците и членови на клубот Ивана Богдановска, Дејан Ангеловски и Милош Нешковски.

Најредовните читатели на Националната установа Градска библиотека „Кочо Рацин“ од Тетово денеска добија пригодни награди во рамките на традиционалната активност за редовните читатели што во изминатите пет години ја организира управта на библиотеката. Директорката Њома Имери Исмаили посочи дка на овој начин тие сакаат да ги стимулираат читателите но и останатаите да продолжат со користењето и читањето на книги и во следната година.

Народниот театар од Охрид на 28 декември премиерно ќе ја изведе претставата „Каде е пиштолот?“ од унгарскиот автор Габор Ѓоргеј, во режија на Дејана Николовска.

Во кино салата на Домот на културата „Драги Тозија“ во Ресен беа одиграни претставите „Новогодишните играчки на Ема“ и „Љубов или нешто слично“, на театарот „Дел Арте“ од Битола.

Целта на проектот е градење капацитети на децата и младите за активно и одговорно граѓанство, а треба да помогне и за подигнување на јавната свест за важноста на проактивното почитување на правата на децата.

Во галеријата „Јустина и Родољуб Анастасов” во Музејот на град Скопје вечер од 19 часот ќе биде отворена самостојна изложба на Родољуб Анастасов „Човек и простор”, која ќе прикаже 30-ина дела на еден од најпознатите и најобемни циклуси од творештвото на Анастасов.

Во Музејот на град Скопје вечер од 20 часот ќе биде отворена изложбата „Скопје пред 8 милениуми_2: првите керамичари од Церје – Говрлево“, на која низ повеќе илустративни паноа и археолошки предмети ќе биде обработена темата за раните керамички садови во Македонија преку керамичкиот материјал од Церје – Говрлево.

Соработката меѓу Елена Атанасовска-Ивановска и Марија Ѓошевска почнала уште во Нижото музичко училиште преку изведба на Концерт за две пијана на Бах. Имаат и голем број полурецитали во Нижото и во Средното музичко училиште во Скопје и низ Македонија.

Друштвото на писателите на Македонија денеска напладне организира поетско читање во чест на поетот и лингвист Блаже Конески, еден од основачите на македонската писателска асоцијација.

Дизајнирани предмети инспирирани од орнаментите во словенските ракописи од 13. до 17 век, кои се дел од археографската збирка на НУБ „Св. Климент Охридски“, се претставени на изложбата „Промоција на културното наследство на иновативен начин“.