Во фоајето на Македонскиот народен театар вечер ќе биде отворена изложба за одбележување полувековен јубилеј од кариерата на доајенот на македонското актерство Петре Арсовски. Изложбата, насловена „Петре Арсовски, 50 години театар“, е визуелно сведоштво за живот на сцената на актерот Арсовски и ќе прикаже фотографии, плакати и останати експонати на дел од претставите во кои игра, а се во продукција на МНТ.

Македонскиот народен театар вечер премиерно ќе ја изведе претставата „Галеб“ од Антон Павлович Чехов во режија на Нина Николиќ. Тоа ќе биде трето поставување на овој драмски текст од познатиот руски автор во 73-годишната историја на МНТ, каде што „Галеб“ досега го поставиле режисерите Димитар Ќостаров во 1960 година и Бранко Ставрев во 1990 година.

Министерот за култура Асаф Адеми вчера во просториите на Министерството за култура оствари средба со професорот Бејтула Демири од Интернационалниот Балкански универзитет.

На 10 постери уметникот ги претставил економските фаза на традиционалните стопански гранки карактеристични за Преспанскиот регион до периодот на индустријализацијата, односно до Втората светска војна.

Најпознатиот и највлијателниот џез-магазин „Даунбит” (DownBeat) во својот најнов јануарски број го вброи актуелниот албум на Крсте Роџевски „The Rabbit and the Fallen Sycamore” во својата листа на најдобри албумски остварувања во 2018 година.

Во галерискиот простор на Националната установа Центар за култура- Крива Паланка, денеска се отвори изложбата „Ѓуриште 2018“, ликовна колонија од 27 дела.

Здружението на филмски продуценти на Македонија (МЗФП), од денеска до 19 ноември го организира проектот „Европски филм за млада публика“ во рамките на кој ќе бидат прикажани три европски филма во четири града во Македонија.

Со реактивирање на постоечките членови и вклучување нови, локални писатели, читатели и љубители на пишаниот збор, во библиотеката „Кочо Рацин“ на Националната установа Центар за култура Крива Паланка започна активно да работи Литературниот клуб „Калин“, информира директорката на НУЦК Крива Паланка, Мира Ѓоргиевска.

Во НЛБ галеријата во Скопје вечер ќе биде отворена изложба на уметнички дела од Меѓународната ликовна колонија „Вевчански видувања“ 2018 на која ќе може да се види и каталогот насловен „Мозаик од бои“ што оваа колонија го изготвува традиционално пред изложбата во Скопје на македонски и на англиски јазик.

Изложба „Иднината како проект/Доксијадис во Скопје“ ќе биде отворена денеска во музејот Бенаки во Атина. Изложбата, пред грчката публика за прв пат ја претставува темата на постземјотресната обнова на Скопје и улогата на Константинос А. Доксијадис во неа.