Годинава за манифестацијата се пријавиле околу 38 кандидати од кои комисијата на чело со координаторот и професор по музичко образование Цобе Илиоски се одбрани најдобрите 29.

Во најновиот број на авангардното словенечко списание за култура „Апокалипса“ објавени се преводи на два подолги расказа „Писмо“ и „Полковникот Тик“ на Александар Прокопиев, преземени од неговата најнова книга „Делфинот“. Преводот е на Тим Сенчар.

Млади кореографи на возраст до 35 години од целиот свет можат да аплицираат на интернационалниот повик „DANCELAB 2019“, што е отворен до 15 јануари 2019 година. Под уметничко водство на македонскиот амбасадор во танцот Рисима Рисимкин, „DANCELAB“ е престижен меѓународен натпревар и е дел од Танц Фест Македонија кој следната година ќе го прослави својот 15-годишен јубилеј.

Во организација на Спомен-куќата на Мајка Тереза и Католичката црква во Македонија, а на барање на европратеничката Маријана Петир, вчера во Европскиот парламент во Брисел беше отворена изложбата „Мајка Тереза – светица од Скопје, светица на светот“.

Претставата „Реалисти“ според текст на белградската авторка Јелена Кајго, а во режија на Срѓан Јаниќијевиќ утре и задутре премиерно ќе биде изведена во Македонскиот народен театар.

Во Даут пашин амам вечер ќе биде одбележан јубилејот – 70 години постоење на Национална галерија на Македонија, на кој ќе се обрати премиерот Зоран Заев.

Во рамки на изложбата „Духовите на Африка“ доцент д-р Велика Стојкова Серафимовска денеска во Музејот на Македонија ќе одржи предавање со наслов „Ритамот и звукот на Африка: кон корените на светската музика“.

Со свои скулптури од керамика на изложбата ќе гостува еминентната уметница од Бугарија Елена Виденова.

Тројцата македонски карикатуристи Јордан Поп Илиев, Блаже Докулевски и Златко Крстевски се добитници на специјални награди на меѓународната изложба на светската карикатура „SICACO“ во Сеул, Јужна Кореја. Делата на македонските карикатуристи се публикувани во албумот „ SICACO-Best cartoons in the world“.

Во рамки на посетата на Република Турција, министерот за култура Асаф Адеми синоќа во Истанбул присуствуваше на отворањето на изложбата на артефакти од Музејот на Град Скопје, организирана во соработка со Културно-информативниот центар на Република Македонија во Истанбул.