Претставата „Орестија“ во режија на Дејан Пројковски и продукција на Хрватско народно казалиште од Сплит, ја доби највисоката награда за најдобра претстава во Хрватска.

„Охридска писменост“ е најновата книга на универзитетскиот професор Димитар Пандев. Книгата е објавена со поддршка на општина Охрид, а е во издание на ПНВ Публикации од Скопје.

Дирекцијата за култура и уметност-Скопје денеска ги додели трите награди од првиот конкурс за новинарски есеј на тема „Визија за европско Скопје“, кои се обезбедени со поддршка на Делегацијата на ЕУ во Скопје. Конкурсот беше распишан во рамки на манифестацијата „Денови на европско Скопје“ и по повод Денот на ослободувањето на главниот град.

Одборот за доделување на државната награда Св.Климент Охридски“ донесе одлука за доделување на државната награда „Св.Климент Охридски“ во 2018 година за највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност од јавен интерес на Република Македонија.

На покана од Државната опера од Стара Загора, Македонската опера и балет на 4 декември ќе гостува во тој бугарски град со операта „Севилскиот бербер“ од Џоакино Росини, во режија на Урсула Хорнер од Австрија и под диригентство на Иван Еминовиќ

Центарот за културно и духовно наследство денеска напладне во Музејот на македонската борба ќе отвори изложба на Дарко Николовски – „На маргините на Скопскиот Регион, сакрални објекти и рурална архитектура“.

Во Мултимедијалниот центар Мала станица вечер од 19 часот ќе биде отворен 11. Скопје постер фестивал, кој годинава ќе се одржува под мотото „Моќта на плакатот” и ќе може да се посети до 6 декември.

Еврејската заедница во Република Македонија вечер од 19.30 часот во Меморијалниот центар на холокаустот на Евреите од Македонија ќе го одбележи Европскиот ден на еврејската култура.

Фримзим Даути е назначен за директор на Националната и универзитетска библиотека „Св. Климент Охридски“-Скопје.

Во 75-тата година од животот вчера почина Мите Грозданов, доајен на македонскиот театар, актер на Драмски театар-Скопје каде што работеше од 1967 до пензионирањето во 2008 година.