Велешкиот народен театар „Јордан Х К Џинот“ денеска со три претстави од претставата за деца „Заспаниот супер херој“, по текст и режија на Младен Крстевски, ќе гостува во Центарот за култура „Ацо Караманов“ во Радовиш.

Во Македонската опера и балет денеска ќе биде прикажана балетската претстава „Клеопатра“ на кореографот Василиј Медведев.

Денеска, 13.11.2018 г. (вторник), во Општина Бутел, на платото пред споменикот на Никола Јонков Вапцаров, беше отворен вториот ,,Есенски базар 2018,,. Тој се одржува по повод 13 ноември, Денот на ослободувањето на Скопје.

Втор есенскиот базар на домашни ракотворби ќе се одржи денеска во општина Бутел по повод ослободувањето на Скопје.

Нова поетска манифестација „Маџирмаалски поетски средби“ почнува на 13 декември во Скопје на која ќе бидат доделени една главна награда – „Маџирмаалски поетски бранови“ за годинава и две придружни награди за песни кои тематско-содржински треба да кореспондираат со заложбите за афирмација на урбаниот живот, навиките и традициите и во нив да е присутен мотив поврзан со Маџир Маало.

Џез концерт насловен „Jazz to voice“ ќе одржи вечер Женскиот младински хор при Младинскиот културен центар под раководство на маестро Сашо Татарчевски.

Во рамките на Есенски музички свечености Скопје 2018 вечер во Малата сала на Македонската филхармонија ќе се одржи концерт на Агата Кмак -виолина и Марсин Гузик – пијано од Полска во придружба на Ристо Ѓоревски – кларинет.

Изложба насловена „Тоа сум Јас…“ на македонскиот автор Хари Дудески е отворена во Малта. Проектот го реализира Форумот за демократска Македонија.

По покана на Јан Харлан, извршниот продуцент на филмовите на Стенли Кјубрик, режисерот и продуцент Јане Алтипармаков и фотографката и мултимедијална уметница Наташа Гелева, присуствуваа на свеченото отворање на ретроспективната изложба посветена на творештвото на Кјубрик и педесетгодишнината од филмот „2001-Вселенска Одисеја“.

Народниот театар од Охрид вечерва премиерно ќе ја изведе својата нова претстава – „Метод“ во режија на Ирена Стеријовска, поставка работена според истоименото дело на современиот каталонски автор Жорди Галцеран Ферер.