Градоначалникот на Крива Паланка Борјанчо Мицевски, организираше прием на делегациите на учесниците на 14.Меѓународен фолклорен фестивал Св.Јоаким Осоговски.

Петтата школа за црковно пеење „Андон Шахпаски“ од денеска до 28 август ќе се одвива во храмот „Успение на Пресвета Богородица“ во Смојмирово, Беровско.

Дваесет и четвртото издание на Меѓународниот филмски фестивал во Нанси, прави посебен фокус на најновите македонски филмски остварувања, а за време на фестивалот во уметничката галерија на градот ќе биде отворена и изложба на фотографии на Браќата Манаки.

Десет ликовни уметници, по пет од државава и од странство, учествуваат на 13. Меѓународна ликовна колонија „Скопје“ што се одржува во хотел Арка во Старата скопска чаршија до 30 месецов.

Со свечено дефиле на учесниците, фолклорни ансамбли од Северен Кипар, Турција, Србија, Бугарија и Македонија, низ главната улица во Крива Паланка синоќа беше отворен годинашниот Меѓународен фолклорен фестивал „Св.Јоаким Осоговски“.

Последниот ден од АКТО фестивалот на современи уметности ќе биде одбележан со работилници за продукција на електронска музика, дизајн на омоти за музички изданија, а во 19 часот, во паркот на Офицерски дом ќе се одржи музички хепенинг под наслов „Акто земјотрес“.

Во рамки на 57. Струшки вечери на поезијата денеска ќе се одржи поетски портрет со годинашниот добитник на „Златен Венец“ Адам Загајевски во црквата „Света Софија“ во Охрид.

Општина Демир Хисар во рамки на културните манифестации како избран Град на културата во Македонија за 2018 година, денеска попладне во демирхисарското село Суводол ќе ја одржи манифестацијата „Манастирско поетско ехо“.

Поетот и преведувач Зоран Анчевски е добитник на наградата „Браќа Миладиновци“ на Струшките вечери на поезијата, за најдобро поетско остварување меѓу два фестивала за книгата „Небесна пантомима“.

Ленче Здравкин, активистка и хуманитарка од Велес и Омер Калеши, ликовен уметник со светска кариера и со потекло од Кичевско, се годинашни добитници на државната награда „Мајка Тереза“.