Од 24 до 28 август под покровителство на Општина Берово ќе се одржи "Етно плоштад Фестивал". Како дел од реномираниот музички фестивал ќе се одржи и саем за зачувување на културното наследство „Малешевијата на дланка".

Во црквата „Света Софија“ вечер во рамки на фестивалот Охридско лето ќе настапат баритонот Горан Начевски, пијанистката Јасна Аврамовска, обоистот Васил Атанасов и пијанистот Тодор Светиев заедно со Скопскиот дувачки квинтет.

Во рамките на научната и уметничка визита што се одржува во научниот и уметнички центар Куќа на Уранија - МАНУ во Охрид, вечер, ќе се одржи „Поетски портрет на академик Радован Павловски".

Во рамки на музичкиот дел од програмата на фестивалот „Охридско лето“ вечер во црквата „Света Софија“ ќе настапи Кинескиот оркестар на бамбусови флејти со проектот „Божествениот звук на бамбусовата флејта и Ксиао“.

Во дворот на ресенскиот Сарај синоќа беше промовирана поетската збирка „Два света” од познатиот поет, филозоф и теолог од Персија, Џелаледин Мевљана Руми.

Со проекцијата на филмот „Над возможното“ (Полска, Германија, Финска) на Марта Прус вечер во Куршумли ан, во рамки на 9. МакеДокс ќе биде отворена програмата на земјата во фокус – Полска.

Писателката и активистка за правата на жените Румена Бужаровска ќе учествува во Есенската резиденција на Меѓународната програма за пишување (МПП) при Универзитетот во Ајова, САД, која почнува на 18 август.

Изложба на фотографии од музички настани, насловена „Ритам во кадар" на фотографот Дражен Брачиќ, вечер од 20 часот ќе биде отворена во Центарот за култура „Кочо Рацин" во Кичево.

Многу публика, забава и ликовни креации донесоа трите Џез-денови што од 14 август до синоќа се одржуваа на ресенскиот плоштад, во организација на Домот на културата „Драги Тозија“.

Изложба на карикатури „Бегалска криза 2018“ од Мирослав Георгијевски-Миро од денеска е поставена во изложбениот салон во Центарот за култура во Крива Паланка.