Вечерашниот концерт на Сара Симоновска, кој треба да се реализира во рамките на Скопско лето, поради најава на невреме и дожд, наместо во Сули ан, ќе се одржи во Фоајето на Македонската Опера и Балет, со почеток во 21 часот, информираат од Дирекција за култура и уметност на Скопје.

Триесетина универзитетски професори, научни работници, театролози и театарски критичари од земјава и од странство денеска и утре ќе учествуваат на симпозиумот на тема: „Српската драма и театар во Република Македонија од 1945 до денес“.

Заедничките вредности помеѓу народите на Балканот како мост за развој на меѓусебното пријателство, почитта и разбирањето, е тема на годинашната ликовна колонија Вевчански видувања што во наредните три недели ќе се одржува во Вевчани во организација на компанијата ВИА.

На програмата на „Скопско лето“ вечер е претставата „Партија реми“ на Драмски театар-Скопје која премиерно беше изведена пред два месеца. Режисер е Виолета Џолева, а улогите ги играат Ѓокица Лукаревски и Маја Вељковиќ-Пановска.

По прогласувањето на победниците на „Гола месечина 2018“, вечер пред публиката ќе настапи стендап-комичарот Марјан Ѓорѓиевски, а фестивалот со обраќања ќе го затворат градоначалникот на Општина Аеродром Златко Марин и директорот на Театар Комедија, Сашо Ристовски.

Книжевна вечер на Лидија Димковска во организација на издавачката куќа „Поетека“, во рамки на проектот „Читајќи го Балканот“, вчера се одржа во Тирана, Албанија.

Во Битола денеска ќе почне шестиот „Шекспир фестивал“ кој ќе го отвори ансамблот на домаќинот и организатор на фестивалот - Народен театар-Битола со претставата „Јулие Цезар (Res Publica - Cosa Nostra)“ во режија на Златко Паковиќ.

Во „Кино Култура“ вечер од 20 часот ќе биде изведен мултимедијален перформанс насловен „’Ртулци“, создаден од младите уметници кои беа дел од првата продукција „Инкубатор“.

Министерството за култура соопшти дека почнува јавна расправа по текстот на Нацрт-законот за јавен интерес во културата, кој го објави на својата веб-страница www.kultura.gov.mk.

Изворните музички инструменти во Македонија се важни за зачувување на нејзината културна традиција, а кемането е еден од најпознатите во источниот регион на државата и потребно е да се обучуваат млади луѓе за изработка и музицирање на овој инструмент.