Со усвојувањето на Стратегијата за развој на културата 2018 – 2022 и aкцискиот план, Владата отвори процес на темелни реформи, преструктуирање и обнова на културниот систем во Република Македонија, порача министерот за култура на прес-конференција на која ги презентираше двата документа.

Не прикриваме ништо, ниту одбегнуваме одговорност, изјави министерот за култура Роберт Алаѓозовски по бројните реакции за проектите на кои им се доделени пари со Програмата за култура во 2018 година и на барањето и очекувањето од ВМРО-ДПМНЕ да понесе морална и политичка одговорност.

Со изведбата на комедијата „Од кол на кол“ во режија на Коле Ангеловски, прилепскиот народен театар „Војдан Чернодрински“ вчера вечер ја одблежа 68-годишнината од своето постоење.

Македонскиот Народен Театар ја најави првата премиера во 2018-та година. „Госпоѓиците од Авињон“, работена по драмски текст на Сашо Димовски, а во режија на Ненад Витанов ќе биде изведена на 21-ви февруари на малата сцена на МНТ.

Станува збор за претставата „Коцкар“ од Ф. М. Достоевски во режија на Дејан Пројковски во која ќе настапат 14 актери, а главните улоги ги толкуваат актерите Огнен Дранговски и Илина Чоревска.

Сметаме дека комисиите си ја завршија добро нивната работа во процесот на одлучување, со оглед на сите ограничувачки околности, но ги прифаќаме забелешките на јавноста.

Македонската филхармонија ќе прати приговор до Комисијата за музичко-сценска дејност при Министерството за култура за направени пропусти во одобрувањето средства за, како што наведува, „непостоечки проекти во програмата на институцијата“.

Издавачката куќа „Шкупи“ бара од Министерството за култура и надлежната комисија да ја коригира одлуката за доделување средства за издавачка дејност и да ја разгледа целокупната документација на сите 535 апликанти што добиле поддршка за да да се провери дали ги исполнуваат условите.

Најавувајќи го редовното изборно собрание во април, Смилевски истакна дека треба да им се даде можност на, како што рече, оние колеги и колешки кои имаат мотив, желба, енергија и знаење да ја трасираат патеката на асоцијацијата во осмата деценија на нејзиното постоење.

Во соопштението, СОНК реагира на, како што се наведува, нефукционалното трошење државни пари, обезбедени преку Министерството за култура за дел од проектите кои со ништо не ја отсликуваат, презентираат или воздигнуваат културата во Република Македонија.