На плоштадот „Александрија“ во Прилеп синоќа со концерт беа одбележани 70 години од постоењето на Културно-уметничкото друштво „Мирче Ацев“ од Прилеп.

Дарко Лешоски е новиот претседател на Управниот одбор на Струшките вечери на поезијата (СВП). Лешоски доаѓа на местото на поетот Славе Ѓорго Димоски, кој на оваа функција беше од 2008. Тој на ова место доаѓа од позицијата во новиот владин сектор за информации.

Миливоје Јанковски и проф. д-р Венера Крлиу-Ханџиски се добитници на државната награда „Мајка Тереза” во 2017 година, соопшти Министерството за култура.

Фотографи аматери и професионалци може да учествуваат на конкурсот​ за фотографии​ #PicThisEurope кој го објавија Националната и ​универзитетска библиотека „Св. Климент Охридски“-Скопје и Европеана - дигитална библиотека.

Народниот театар од Битола на годинашното 57. издание на Фестивалот „Охридско лето“ ќе се претстави со премиерната изведба на нивната поставка на „Сон на летната ноќ“ на Шекспир, што ќе се игра на сцената „Долни Сарај“ вечер од 21 часот.

Фестивалот „Охридско лето“ својот 57-ми роденден ќе го прослави со музичко-сценски спектакл вечерва на Античкиот театар, неповторливиот мултимедијален мега проект „Вивалдијано“.

Министерството за култура ќе ја реализира манифестацијата „Нов културен бран“ од крајот на август до крајот на октомври, односно се до исцрпување на средствата.

Премиерно ќе бидат поставени балетите „Божествена комедија“ и „Ромео и Јулија“, а по повод 70 години од своето основање, Балетот на МОБ ќе биде домаќин на голема европска балетска конференција.

Министерството за култура донесе решение за разрешување на Маја Чанаќевиќ од функцијата директор на Македонската филхармонија. За вршител на должноста директор во оваа национална установа е назначен Виктор Илиески, кој е член на ансамблот на Филхармонијата.

Поради целокупната затечена незавидна состојба во областа на авторското право и сродните права, во Министерството за култура во тек е изработка на текстот на Предлог- законот за изменување и дополнување на Законот за авторското право и сродните права.