Во Скопје денеска ревијално ќе бидат прикажани наградените филмови на „Галичник филм фестивал“ кој се одржа од 5 до 8 август.

Со изведба на претставата „На отворено море“ во режисерска поставка на Егон Савин и актерската екипа на Југословенско драмско позориште од Белград вечерва на Античкиот театар ќе биде спуштена завесата на годинашното 61. издание на фестивалот „Охридско лето“.

Од денес до недела ќе се одржи 33. Поетска ноќ во Велестово која ќе биде посветена на поезијата на Ристо Лазаров и на творештвото на охридските уметници Славко и Никола Упевче.

По повод одбележувањето на 30 години од осамостојувањето на Северна Македонија, од денес до 26 август ќе се реализира културна манифестација именувана како „Филмска култура“.

Искра Шукарова како кореограф и предавач гостува во Рига, Летонија на интернационалниот фестивал за современ танц „Laiks Dejot 2021“, кој се оддржува од 18 до 24 август во „Eduarda Smilga Theatre“.

Под мотото „Извишени сведоштва, возвишени стихови“, од 26 до 30 август ќе се одржи 60. јубилејно издание на Струшките вечери на поезијата, на кое е најавено учество на повеќе од 30 поети од земјава и странство.

На утрешната изложба во КИЦ во Софија под наслов „Проткаени сеќавања“ со десет скулптури од најновата продукција кои досега не биле изложувани, ќе се претстави еден од најплодните скулптори од помладата генерација Слободан Милошески, скулптор со кичевски корени. Изложбата ќе биде отворена до 30 август.

Во рамки на 54. Летна школа на Меѓународниот семинар за македонски јазик, литература и култура при Универзитетот „Св. Кирил и Методиј“ вечерва во Охрид ќе биде промовирана најновата книга за македонската книжевност од истакнатата македонистка и славистика, академик Ала Шешкен од Универзитетот „Ломоносов“ во Москва.

Вечерта на отворањето на фестивалот ќе биде заокружена со концертен настап на Добрила и Дориан Дуо во рамките на музичката програма „МакеДокс: Ноќни приказни“.

Претпоследниот ден од годинашното фестивалско издание на „Охридско лето“ е резервиран за театарската претстава „Мојот маж“, режисерска поставка на Јелена Томиќ, во изведба на Југословенскиот драмски театар од Белград.