Поројниот дожд што денеска попладне го зафати Делчево повторно предизвика проблеми на улица „Булевар Македонија”. Чистејќи ја надојдената вода, жителите од оваа улица повторија дека ова се случува по секој пороен дожд.

Со три нови случаи Делчево и денеска е на листата на градови со пораст на заболени од вирусот Ковид-19. Според информациите од делчевскиот Здравствен дом, случаите се асимптоматски, а новозаболените се на возраст од околу 40 години.

Неколкучасовните врнежи од дожд значително ги наполнија со вода одредени тротоари и улици во Тетово каде е редовна оваа појава откако ќе има подолотрајни временски неприлики. Дождот започна после 14 часот и траеше скоро до 17 часот.

Денеска, извршени се 59 тестирања од кои по 19 по „Мој термин“ и 40 епидемиолошки тестови.

Министерството за здравство информира дека во изминатите 24 часа во Велес има регистрирано нови пет случаи на болни од Ковид-19. Според Институтот за јавно здравје, во Велес и велешко моментално се активни 38 пациенти.

Во последното деноноќие во Дебар регистран е еден случај со Ковид-19, со што вкупната бројка на заразени од почетокот на пандемијата се зголеми на 242 лица, од кои 191 во втората фаза од болеста.

Еден починат и двајца новозаболени од коронавирусот се регистрирани во Тиквешко во изминатите 24 часа.

Христе Атлески (39) од тетовско Ратае, на кого му е украдено возилото, бара информации од граѓаните со цел да се најде автомобилот. Станува збор за „бмв“ со регистрација TE5 79 DU (на латиница) со темносина боја.

Полицијата апелира до сопствениците на угостителските објекти и граѓаните да ги почитуваат препораките од Владата на Република Северна Македонија и законските правила и прописи.

– Веќе имаме наши корисници, читатели кои го посетија штандот. Ги покануваме љубителите на пишаниот збор да го посетат саемот, да ја збогатат домашната библиотека и на тој начин да уживаат во најновите изданија, изјави директорката на библиотеката, Христина Алексовска.