Со положување цвеќе пред спомен-плочата на неговата родна куќа во стариот дел на Охрид денеска беше одбележана 111-годишнината од смртта на охридскиот гемиџија Марко Бошњаков.

Се врши санација на мостот на реката Вардар, а од средина на март регионалниот пат Неготино-Пепелиште ќе биде затворен за сообраќај, рече Методи Митрев, портпарол на неготинската локална самоуправа.

Деветчленото семејство Салиу од село Бачишта, Кичевско, живеело во една стара трошна куќа, изградена со кал и прачки, со два кревета без кујна и тоалет, па кога за ова дознал печалбарот кичевчанец од село Зајас, кој живее и работи во САД, тој од свој џеб им изгради нова куќа на социјално загрозеното семејство Салиу, односно донирал 12.000 долари. За да се докомплетира новоизградената куќа помогнале и неколку други кичевски бизнисмени.

Општина Дебар почна со исплата на дел од долговите што општината ги има кон фирмите. Средства се обезбедени од Владата на Северна Македонија, според законот за финансиска поддршка на единиците на локалната самоуправа.

Работниците од „Еурокомпозит“, прогласени технолошки вишок, и денеска протестираа во центарот на Прилеп барајќи да им се исплатат отпремнините и заостанатите плати и придонеси.

Членовите на Советот на Општина Гостивар, на последната 12-та седница едногласно ја усвоија одлуката за доделување еднократна парична помош за семејствата на загинатите и на повредените патници во автобуската несреќа кај скопско Ласкарци.

Амбасадорот на Европската Унија, Самуел Жбогар денеска престојуваше во Кочани, при што во рамки на кампањата „ЕУ за тебе“ учествуваше на дебата со средношколците од СОУ „Љупчо Сантов“.

Организацискиот одбор на Струмичкиот карневал очекува уште едно ново блескаво издание, кое ќе биде помасовно и поквалитетно од ланското.

Околу 40.000 нерегистрирани и неосигурени возила, според осигурителните компании, активно се вклучени во сообраќајот на патиштата и претставуваат закана за безбедно одвивање на сообраќајот, предупредуваат од Републичкиот совет за безбедност на сообраќајот на патиштата.

Водостоите на сите реки во земјава се пониски од просекот за февруари, а нивото на Вардар на мерното место кај Јегуновце е повеќе од двојно намалено во однос на вчера, покажуваат последните мерења направени од Управата за хидрометеоролошки работи (УХМР).