Општина Ресен реагира на одлуката на Министерството за култура за недоделување финансиски средства за Интернационалниот театарски фестивал „Актерот на Европа“.

Сточарите од Велешко се уште го чекаат министерот Николовски кој на декемврискиот протест им вети дека ќе ги посети по 20 јануари годинава за повторно, таму, директно на терен, да ги отворат прашањата околу откупната цена на јагнето и исплатата на субвенциите.

Околу 13 часот денеска изби голем пожар пред влезот во Струмица од Радовиш. Запалена е поголема површина шамак покрај патот, а сообраќајот го регулира полицијата за да можat пожарникарите да го гаснат пожарот.

Универзитетот „Гоце Делчев“ од Штип и Општина Прилеп ја продлабочуваат соработката во делот на образованието и науката. За таа цел, ректорот на штипскиот Универзитет, Блажо Боев и прилепскиот градоначалник Илија Јованоски потпишаа меморандум за соработка.

Во Кичево ќе почнат градежни активностите за доизградба на објектот на болницата во овој град. Работите се очекува да почнат во април или мај оваа година.

Општина Дојран ги повика сите угостители, хотелиери и приватни издавачи на соби и апартмани, доколку сакаат да го претстават својот бизнис на престижниот Саем за туризам во Белград, деновиве да донесат рекламен материјал во општината.

Општина Радовиш од утре почнува со одбележување на значаен јубилеј од своето минато-илјада години од првото пишано спомнување како рано средновековно гратче во грамотата на византискиот император Василиј Втори.

Водостојот на Вардар е понизок од просечниот за февруари, а на три од четирите мерни места е намален во однос на вчера, покажуваат последните мерења од Управата за хидрометеоролошки работи (УХМР).

Искористување на можностите кои се нудат преку предпристапните фондови од Европската Унија беа главната тема на разговор на денешната средба помеѓу генералниот секретар на Црвениот крст на Македонија Саит Саити и претседателот на Општинската организација на Црвен крст Делчево, Билјана Георгиевска кои поразговараа и околу подготовка на стратегијата за работа на Црвениот крст за наредниот 10 годишен период.

Врнежи од снег со слаб интензитет вечерва има на Попова Шапка, но засега тие не претставуваат проблем за сообраќајот, информира јавното претпријатие „Македонија пат“.