Сообраќајот на државните патишта се одвива во зимски услови, по влажни коловози, наместа со остатоци од кашест снег. Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.

Во Тетово утрово е најстудено, -11 степени, а максимален еден степен е измерен во Гевгелија.

Времето денеска ќе биде претежно сончево со мала до умерена облачност, поголема на северот и на истокот. Утрово ќе има услови за појава на магла. Во северните делови ќе дува слаб до умерен северозападен ветер, а на југот и од пладневните часови ветерот ќе биде јужен. Минималната температура ќе се движи од -9 до -1, а максималната од еден до девет степени.

Поради високите наноси од снег, затворот во село Кшање не фунционира редовно, соопшти денеска директорот на казнено-поправната установа, Марјан Спасовски.

Половина од тезгите на делчевскиот пазари денес беа празни. Студеното време си го направи своето, но и како што велат дел од пазарџиите, дополнителните давачки кои се дел од новиот закон за вршење на оваа дејност, придонесе за оваа состојба. Празните тезги денес ги изненадија и бугарските државјани кои во сабота се редовни гости во Делчево.

Отворање канцеларија на УЈП, гасификација и поврзување на двете вештачки езера „Лисиче“ и „Младост“ со цевковод, се само некои од проектите што денеска им ги вети вицепремиерот за економски прашања Кочо Анѓушевна велешани.

На платото пред Спортскиот центар „Борис Трајковски“, денеска се одбележа Денот без возила на фосилни горива. Присутните имаа можност да ја погледнат едукативната изложба на електрични автомобили, да имаат тест возење со електричен автомобил и да учествуваат на панел дискусијата за поттикнување на електромобилноста.

Со протокалови елеци, балони и свирчиња, предводени со паролата „Пристојна плата – Сигурни работни места“ протестираа низ штипските улици членовите на општинските организации на СОНК и на Конфедерацијата на слободни синдикати.

Во општните Дебар и Центар Жупа снежните врнежи не предизвикаа поголеми проблеми, велат од Подрачната едница на Дирекција за заштита и спасување во Дебар.

Општина Центар во соработка со здружението Банка за Храна Македонија (БХМ) и овој месец продолжува со спроведување на проектот „Нула Глад“.