Од 13:30 часот се укинува забраната за сообраќај на тешки товарни возила и автобуси на патниот правец Тетово – Попова Шапка, соопшти ЈП „Македонија пат".

Со триесетминутна блокада на патот Тетово – Попова Шапка кај жичарницата на излезот од градот иницијативата „Да ја спасиме Попова Шапка“ втора сабота по ред го искажа своето незадоволство од состојбите во овој зимски центар и особено управувањето со него од страна на ЕЛЕМ.

Од 13:05 часот се укинува забраната за сообраќај на тешки товарни возила на патниот правец крак Маврово – Дебар, информираат од Автомото сојузот на Македонија.

Сообраќајот на државните патишта се одвива во зимски услови по влажни коловози, наместа со остатоци од кашест снег.

Зимската служба на Општина Аеродром синоќа и во текот на ноќта интензивно го расчистуваше снегот од улиците и пешачките патеки што се под нејзина надлежност, при што беа фрлени околу 45 тони сол, информираат од општината.

Интензивните и обилни врнежи од снег во текот на ноќта придонесоа дебелината на снежната покривка на Пониква да се зголеми на 70 сантиметри.

Укината е забраната за сообраќај на тешки товарни возила на патните правци Гостивар – Кичево и Кичево-Охрид преку планинските превои Стража и Пресека.

Снегот што утрово заврна во Гевгелија формираше незначителна покривка колку за радост на децата кои во овој регион ретко имаат прилика да го видат, но затоа, пак, за среќа на возачите не создаде сообраќајни проблеми.

Во кумановско локалните патни правци во градот, приградските наслеби и селата се проодни и сообраќајот се одвива во зимски услови, информираат од РЦУК Куманово.

Укината е забраната за сообраќај на тешки товарни возила на патниот правец Македонски Брод – Прилеп преку планинскиот превој Барбарос.