Забраната за сообраќај за тешки товарни возила на патниот правец крак Маврово – Дебар е укината изутрина во седум часот, а се уште е во сила забраната на превојот Стража, информира Автомотосојузот на Македонија (АМСМ).

Успешно е извадена дијаболата од окото на малолетното лице од пехчевски Чифлик, кое на 17 јануари беше погодено со воздушна пушка во Пехчево. Информацијата е потврдена од беровската полиција, каде на 23 јануари било пријавено дека Јавната установа – Очна клиника Скопје, истиот ден примила малолетно лице од пехчевското село Чифлик кое имало повреда на окото.

Отстранет е дефектот на водоводната мрежа кој денеска без вода за пиење ги остави жителите на населбите Први, Втори и Трети Реон како и село Полето во Делчево.

Вработените во штипската локална самоуправа ќе добијат покачување на бодот за пет отсто, врз основа на што ќе им се пресметува платата.

Поради интензивни врнежи од снег на патниот правец Струга – г.п. Ќафасан во 16:45 часот е воведена забрана за сообраќај за тешки товарни возила, соопштија од ЈП „Македонија Пат“.

Поради интензивни врнежи од снег на патниот правец крак Маврово – Дебар во 16:25 часот е воведена забрана за сообраќај за тешки товарни возила, информираат од ЈП „Македонија пат“.

Поради интензивни врнежи од снег на планинскиот превој Буково попладнево е воведена забрана за сообраќај за тешки товарни возила.

Според мерните станици на Лабараторијата АМБИКОН на Универзитетот „Гоце Делчев“ најчист воздух во државата дишат штипјани, но за тоа најголемо влинание има природната конфигурација на теренот и постојаниот ветер.

Исплата на придонесите и отпремнините побараа 154.та работници кои се прогласени за технолошки вишок од прилепски „Еурокомпозит“ на денешниот протест пред прилепската локална самоуправа.

Македонското еколошко друштво (МЕД) ја поздравува одлуката на Владата да ја поддржи иницијативата за прогласување на Јабланица за национален парк на 116-та седница, се наведува во соопштението на МЕД.