Надлежен јавен обвинител од Основното јавно обвинителство Скопје донесе решение за отфрлање на кривичната пријава против единаесет службени лица вработени во ЈУ Меѓуопштински центар за социјални работи – Скопје за кривично дело „несовесно работење во службата“ и за „запуштање и малтретирање на дете“.

Националната Институција, музејот „Западна Македонија во НОБ“ во Кичево, собира материјали поврзани со Народноослободителната борба во Западна Македонија. Директорот на установата Илми Велиу најави дека наскоро ќе се вработат уште пет стучни луѓе, за кои веќе е добиена и согласност од надлежното Министерство, но и од Министерството за финансии на Владата на Република Македонија.

Со почит и свежо цвеќе на неговото вечно почивалиште на Гумење и со повеќе манифестации Крушево в петок, на 25 јануари, ќе го одбележи 38-от роденден на нашата и балканска музичка ѕвезда Тоше Проески кој трагично го загуби животот во сообраќајната несреќа кај Нова Градишка Хрватска на 16 октомври 2007 година.

Планинарот Тошо Антов, член на планинарскиот спортски клуб „Осогово“ е избран за спортист на Кочани за 2018 година на изборот што го организираше локалната самоуправа.

Намалена видливост до 50 метри поради магла има на Попова Шапка, а на Стража видливоста е од 50 до 100 метри. Слаб снег паѓа на Попова Шапка, како и на планинските превои Буково и Ѓавато.

Среднодневните концентрации на РМ10 честички се под дефинираниот праг на алармирање од 188 микрограми на метар кубен и епизодата од два последователни дена е прекината во Струмица, со што прекинуваат интервентните мерки што се активираат при надминување на прагот на алармирање.

Лозарите бараат да не се дозволи класична ликвидација или продажба на поранешната винарија со германски капитал која сега е во стечај, а од која тие побаруваат околу 680 илјади евра основен долг, за неплатено грозје од 2015 година. Ова е ставот кој беше заземен синоќа, на средбата на претставници на лозарите со кавадаречкиот градоначалник Митко Јанчев и пратеникот Панчо Минов.

Градоначалникот на Гевгелија, Сашо Поцков најави дека градот наскоро ќе добие мерна станица со која во секој момент би се добивале валидни информации за тоа каков воздух дишат гевгеличани.

Има 78 години, а се радува и се смее со возбуда, како дете. Витална е и на снагата и во умот, како да е во најубавите години од животот. Ме пречека гостопримливо, како да ме знае отсекогаш, иако сосема случајно се видовме за прв пат.

Едно од најчесто поставуваните прашања кога станува збор за зимската опрема и за придобивките од користењето на зимската опрема во возилата е - зошто зимска опрема? За оние кои сѐ уште си го поставуваат ова прашање, како и за оние за кои зимската опрема претставува дополнителен и непотребен трошок (возачи кои во зима возат помалку и на пократки дестинации), РСБСП подготви неколку кратки совети ЗА користење зимска опрема.