Ски центарот Маврово, денеска и утре, ќе овозможи бесплатно скијање за ученици додека не се вратат во училишните клупи.

„Зелената нафта“ за земјоделците ќе биде достапна најверојатно за пролетната седиба. Мерката ќе опфати 55.000 производители, а предвидува со државни пари да се покријат 30 проценти од трошоците за набавка на гориво за земјоделската механизација. Средствата се обезбедени и програмирани во буџетот на Платежната агенција.

Сообраќајот на државните патишта се одвива по претежно влажни коловози. Поради појава на магла намалена е видливоста од 50 до 100 метри во Кичево, Битола, Павлешници, Смојмирово и Делчево, информира Диспечерскиот центар на ЈП „Македонија пат“.

Охрид традиционално го прослави денот на рибарите. Во казан од три тони, од охридското средно угостителско училиште „Ванчо Питошески” подготвуваа рибна чорба, доволно за да ја вкусат 5000 посетители на манифестацијата. Мајсторски,од 500 кг морска риба лосос и ослич, се направи тон и пол рибна чорба.

Поради сообраќајка во прекин е сообраќајот на патот Крива Паланка-Куманово кај месноста викана Просеченик во атарот на селото Псача.

Во текот на изминатото деноноќие на граничниот премин Деве Баир влегле околу пет илјади граѓани во Македонија, а зголемена фреквенција на возила се очекува и денес.

Намалена видливост на 50 метри поради магла има на планинскиот премин Стража, соопшти ЈП „Македонија пат“.

Слаб снег утрово провејува во Маврово, а локални врнежи од дожд има во Пелагонија и Повардарието. Во Скопје и Тетово има појава на магла.

Пространството на планината, сокриените убавини, снегот и природата биле предизвикот еден човек од урбаниот свет да се пресели и остатокот од животот да го поминува таму каде што му е најубаво. Во Маврово. Така, накратко се опишува одлуката на Влатко Томовски да ја смени адресата на живеење и од Скопје да се насели во викенд населбата Крстови 1.

Несовесни граѓани поставуваат примки за да фатат дивеч во Тиквешко, но на нив се фаќаат и луѓе. Оваа информација за МИА ја потврди Тоде Пановски, секретар во Ловечкото друштво „Тиквеш“ од Кавадарци.