Најдоцна до средината на идниот месец треба да заврши уредувањето на старото излетничко место на гевгеличани, популарниот ,,Динќут“, кој ќе биде претворен во вистински спортско-рекреативен центар со привлечни содржини за лица од сите возрасти, соопштија денеска од информативната служба на општина Гевгелија.

Струмица и лани и годинава е меѓу најзагадените градови во државата, а причина за тоа според градоначалникот Коста Јаневски е затоплувањето на дрва и други енергенси, односно само во текот на грејната сезона е забележано зголемено загадување и тоа од попладневните до раните утрински часови.

Еден тон стари и уништени гуми кои се наоѓале во дворовите кај граѓаните, како отпад кој досега беше пален на отворена површина, заплениле комунални инспектори при увид на дивата депонија во Вардариште.

Куманово, денеска го доби статусот Град на спортот за 2019 –та година, кој го доделува Комисијата за евалуација АЦЕС Европа од Брисел, задолжена за следење на спортот во Европа.

Животните, во ЗОО паркот во Штип се обезбедни со храна во текот на зимскиот период. Директорот на ЈП „Исар“, Живко Тасев на денешната прес-конференција информираше дека избрана е фирма, што секојдневно ја доставува храната за животните.

Новиот објект на Ургентниот центар во Куманово, изграден со поддршка од Министерството за здравство и Проектната единица за обнова и реконструкција, наскоро ќе биде пуштен во употреба и во него ќе бидат сместени итната хируршка амбуланта, ортопедска, анестезиолошка амбуланта, компјутерска томографија и ЕХО дијагностика.

Општина Гевгелија го доби решението на Уставниот суд за поведување постапка за оценување на уставноста и законитоста на одлуката за распишување на Референдум од страна на Советот против отворање рудници на планината Кожуф во март и април 2017 година по поднесената иницијатива од канадската компанија „Резервоар минералс“. Локалната самоуправа најавува дека ќе поднесе приговор.

И по повеќе од две децении Македонија не може да се пофали со развиено земјоделско задругарство. Не само што сме далеку од светските, современи трендови, туку и кај постојните кооперации основните принципи на здружување не се почитуваат, беше речено на денешната трета сесија на Работната група за земјоделство на Националната конвенција за ЕУ во Македонија.

Татковинското друштво „Дибра“ на дебрани во САД, за оваа зимска сезона обезбеди 115 кубни метри огревно дрво за дебарски семејства кои се во тешка социо-економска состојба.

Иако според могумина веќе е крај на сезоната за мотоциклисти, сепак РСБСП во рамките на кампањата „Без изговори“ посебно внимание посветува на мотоциклистите како ризична и ранлива група учесници во сообраќајот. Како посебно ранлива категорија на учесници во сообраќајот, мотоциклистите треба да бидат двојно повнимателни и двојно поодговорни учесници во сообраќајот.