„Боите на џезот“ беше насловен уметничкиот перформанс, кој што се одржа синоќа во уметничката галерија во Куманово во организација на Центарот за аудиовизулени уметности од Крива Паланка.

Советот на Општина Велес на вчерашната 23та седница ги усвои нацрт- програмите за работа на Општината за наредната година, а со тоа се овозможи подготовката за нацрт- буџетот за 2019 година ,информира за МИА, Елизабета Јовчевска раковител на општи правни работи и овластувања на Општина Велес.

Матичните лекари и медицинските сестри од приватните здравствени установи од Кочани излегоа на мирен протест пред подрачната единица на Фондот за здравствено осигурување за да го изразат незадоволството од понудените услови во договорите што треба да ги потпишат за наредниот петгодишен период.

Општина Куманово, по трет пат распиша конкурс за избор на сувенир на градот и ги покани заинтересирани правни и физички лица, кои ги познаваат одликите на градот и околината, со своите автентични трудови да придонесат кон креирањето на производ кој ќе го отсликува карактерот на градот, во насока на зголемена промоција, информираат надлежните од Одделението за локален економски развој.

Три милиони денари за зимско одржување на патиштата во Кавадарци се издвоени од кавадаречкиот буџет.

Родителите од Куманово ја проследија интерактивната трибина во рамки на националната кампања „И родителството се учи“ што се одржа синоќа во кумановскиот театар.

Семинар за роботика, информатика и напредни технологии денеска ќе се одржи во Делчево, во организација на Фондацијата „Бугарско сеќавање“ и Општина Делчево.

Средствата ќе овозможат најпознатиот јужниот туристички локалитет да добие нови содржини кои уште повеќе ќе ги привлекуваат домашните и странските туристи и ќе дадат придонес Дојран да се промовира во вистински туристички центар.

Во Струмица денеска и утре се одржуваат 17. по ред „Средби под јаворите-Видое Подгорец“, манифестација во чест на ликот и делото на еден од најпознатите и најплодни писатели за деца во македонската книжевност.

Младинската акциска група од Кочани, со поддршка од Центарот за култура, комуникација и едукација на Ромите „Светла иднина“, ќе реализира меѓународен младински мултикултурен камп што ќе се одржи на планинскиот центар Пониква.