Вакцините против грип во Струмица кои се наплатуваа 650 денари се потрошија изутрината во 10 часот, информираше д-р Силвана Петкоска од Центарот за јавно здравје-Струмица.

Делегацијата на Европската Унија и Советот за етика во медиумите го објавуваат 16-тото издание на конкурсот за наградата „Жан Моне“ за најдобри достигнувања во известувањето за прашања поврзани со темата “Градење доверба во несигурни времиња”.

Градоначалникот на Општина Радовиш, Герасим Конзулов, по повод 6 ноември, Денот на ослободувањето на Радовиш, им предаде дел од новата опрема на радовишките пожарникари во вредност од два милиони и 650.000 денари.

Советниците дадоа негативно мислење за намерата на кавадаречки инвеститор да инвестира во проширување на асортиманот и нови производи.

Епидемиолозите од Центарот за јавно здравје Куманово соопштија дека вчера и денеска 334 лица примиле ваквина и платиле 650 денари, а 120 лица го искористиле „Мој термин“ и бесплатно ја примиле вакцината пред почетокот на сезоната.

Во Штип за една година почнати и изградени се капитални проекти. По 30 години во Штип се гради детска градинка, а нејзиниот камен темелник е веќе ставен.

Над 200 штипјани денеска поднеле барање за добивање на месен надоместок до Агенцијата за вработување. Со новите законски измени им се дава можност на дополнително на околу 180 стечајни работници да бидат опфатени и да добијат паричен надоместок до нивното пензионирање.

Со отварање на изложбата на фотографии „Штип низ времето“ почна одбележувањето на Денот на ослободувањето на град Штип. Фотографот Тоше Ристов вели дека изложбата ја сочинуваат 40 фотографии, а се реализира во соработка со фото кино клубот „Ванчо Прќе“ и Домот на млади-Штип.

Најтрофејниот македонски кошаркарски клуб, КК Работнички, утре (7 ноември) во 18 часот организира хуманитарен кошаркарски натпревар на сегашниот тим со ветераните на клубот.

Фирмата Каменолом „Техно Павар“ ДООЕЛ увоз – извоз Скопје кон крајот на октомври од Министерството за животна средина и просторно планирање побарала враќање на А интегрираната еколошка дозвола за работа, одземена од нив пред пет месеци, информираат од Општина Велес.