Извршена е реконструкција на парниот систем во штипската Клиничка болница, информира директорот, Ален Ѓеорѓијев. Санацијата е со цел годинава да нема проблеми со затоплувањето на објектите на болницата.

Здружението за лица со посебни потреби „Заедно Можеме“ од Гостивар отвори канцеларија во која ќе им даваат поддршка, консултации и совети на лицата со посебни потреби од поширокиот гостиварски регион. Канцеларијата, засега ќе функционира како информативен центар.

Пожарникарите од Протиовпожарната единица во Кочани само во октомври имале приближно сто интервенции за гаснење пожар на отворен простор, што е неславен рекорд во нивната повеќегодишна евиденција.

Во тек е изградба на локален патен правец во Кривопаланечкото село Трново и реконструкција на пат во селото Конопница, што се реализираат преку Центарот за развој на североисточниот плански регион.

Екипите на ЈП „Чистота и Зеленило“ интензивно работат на засадување нови зимзелени, листопадни садници и грмушки на повеќе локации во Куманово, информираа денеска надлежните од претпријатието.

Вкупно 19 невработени лица го започнаа својот ангажман како дел од програмата за општинско-корисна работа која како дел од проектот „Хуманоста на дело“ во Македонска Каменица ќе се спроведува во наредните неколку месеци.

Секторот за односи со јавност на Клиничка болница-Битола информира дека за прв пат во таа здравствена установа извршена е операција на проширени вени на пациент, женско лице родено 1975 година.

Електротехничкиот факултет при Универзитетот „Гоце Делчев“-Штип и Соларната асоцијација на Македонија потпишаа договор за соработка, со кој студентите ќе можат да учествуваат во проектирање и изработка на соларни панели.

Интензивно се работи на изградбата на хидросистемот Конско кај Гевгелија, кој ќе обезбеди дополнителни количини вода за наводување на обработливите површини во овој регион, соопшти Министерството за земјоделство, шумарсто и водостопанство.

Од Државниот здравствен и санитарен инспекторат го потврдуваат случајот и велат дека пломбирањето е поради работење без дозвола.