Невработените лица на територијата на општина Кичево евидентирани во Центарот за вработување – Кичево и работодавачите од микро и мали претпријатија кои сакаат да го прошират и развијат сопствениот бизнис со отворање нови работни места, да се пријават за учество во активните мерки за самовработување.

Со девет случаи на повреда при работа, во октомври гостиварскиот регион е на врвот на црната статистика. Повредените главно завршиле со тешки повреди, односно скршеници по екстремитетите.

Здружението Центар за интеркултурен дијалог организира пинг-понг турнир ,,Multiкулти’s got Champions” во Куманово, а локалната акција има за цел да ги охрабри сите млади луѓе без оглед на етничка припадност, вероисповед, пол, различна способност преку спорт и рекреација да се вклучат во интеркултурен дијалог.

Култот кон света Петка кај нашиот народ е многу раширен. Таа се смета за заштитничка од разни несреќи, но и од многу болести, поради што народот ја нарекува уште и мајка Параскева. Многу лековити извори се поврзани со нејзиното име и се наречени Петочни води. Петковден како домашен празник со служби посветени на св. Петка, со чекање гости и со други обичаи и свечености го празнуваат голем број македонски семејства.

Охрид е домаќин на Самитот на Асоцијацијата на спортски новинари од Југоисточна Европа.

Со презентација на публикацијата „Анализа на политиките и состојбата во областа на пристапноста на објектите и информациите во општина Крива Паланка“, Здружението „Хендикеп плус“ го заокружи проектот „Пристапноста – наше право“. Публикацијата е поддржана од „Полио плус“ во рамки на проектот „Маргина обскура – прашањето на хендикеп во пристапувањето кон Европската унија“ финансиран од Европската унија.

Околу 120 ученици од основните школи во Ранковце и Старо Нагоричане, како и нивните родители, заедно со наставниците по физичко и здравствено образование денеска учествуваа во активностите од проектот „Спортот и семејните вредности” што се одржаа во спортската сала на ООУ „Христијан Тодоровски Карпош” во Ранковце.

Како дел од одбележувањето на Месецот на книгата, на 31 октомври во Пехчево ќе се реализира активноста „Размена на книги и списанија“. Организатор е професорот по француски јазик, Магдалена Поповска која вели дека настанот има за цел враќање на времето кога во Пехчево книгите биле замена за денешната модерна технологија која зема се поголем замав.

Градоначалникот Аце Коцевски денеска давајќи отчет за неговото едногодишно раководење со општина Велес рече дека општината излегува од криза бидејќи вратила најголем дел од долговите од претходната власт и потенцира дека сега таа оди во вистинска насока.

На 4 ноември во организација на општина Василево, во населеното место Градошорци, ќе се одржи традиционалната манифестација „Ден на празот“.