Поранешните општински објекти во селата Муртино и Куклиш ќе се пренаменат во детски градинки, одлучи Советот на Општина Струмица на денешната 15 седница.

Средното општинско училиште (СОУ ) „Димитар Мирасчиев“ – Штип денеска одбележа 66 години од своето функционирање. Учениците од единственото текстилно училиште во источниот регион на патрониот празник ги претставија и своите модни креации на тема есен.

Над триста средношколци од СОУ “Ванчо Прке“ од Виница се вклучија во акцијата за евакуација и спасување во случај на земјотрес и пожар што беше симулирана во училишната зграда.

Над две илјади ученици и нивните наставници и професори од ОУ„Сандо Масев“ и Гимназијата „Јане Сандански“ од Струмица денес вежбаа евакуација од земјотрес.

По повод празникот Петковден, утре, во делчевските села Селник и Ѕвегор ќе се одржат традиционални црковно-народни собири. Еден од најпознатите собири се организира во црквата „Св.Петка“ во село Селник, каде прославата вообичаено започнува со празнична богослужба, продолжува со културно-уметничка програма и заеднички ручек за сите соборјани, а ќе заврши со општонародна веселба.

Поради работни активности на влезот од тунелите Демир Капија (тунел 1) и Јаворица (тунел 2) на автопатот „Пријателство” на делницата Демир Капија – Смоквица, утрово од 9:30 часот сообраќајот пред тунелите ќе се одвива под посебни услови, соопшти ЈП „Македонија пат“.

Во организација на Хелсиншкиот комитет за човекови права денеска во Гевгелија се одржа тркалезна маса посветена на тековните трендови на миграцијата и барателите на азил во Република Македонија, како дел од проектот за поголема заштита на правата на бегалците, подржан од ЕУ.

Општина Охрид денеска го презентираше проектот за реконструкција на Кејот на Охридското Езеро, на потегот од Градското пристаниште до Холандскиот парк кај каналот Студенчишта.

Градоначалникот на Општина Штип, Благој Бочварски, денеска пред бизнис-секторот што има производствени капацитети во неколкуте индустриски зони го презентираше проектот за изградба на секундарна гасификациска мрежа.

Пет пати пониско од просекот за октомври е нивото на Црн Дрим кај Ложани, а Сатеска кај Сотун е речиси тројно намалена, покажуваат денешите хидролошки мерења.