Во Гевгелија денеска ќе биде пуштена во употреба новата санитарна депонија лоцира во село Ново Коњско.

Кавадарци и Едеса прават напори во рамки на прекуграничната соработка помеѓу Македонија и Грција, да го отворат граничниот премин Пулевац на Кожуф Планина.

Четириесеттина византолози, медиевисти, историчари, археолози, историчари на уметноста, теолози, лингвисти, музиколози и класичари кои се занимаваат со проучување византиското културно наследство и средновековната историја ќе учествуваат на Првата национална конференција за византологија и медиевистика што наредните два дена ќе се одржува во Охрид.

Пофункционално работење и прецизно дефинирање на надлежностите и мандатот на Агенцијата за остварување на правата на заедниците се дел од предлог измените и дополнувања на Законот за унапредување и заштита на правата на припадниците кои се помалку од 20 отсто од населението, за кои денеска се одржа јавна дебата со претставници на власта, пратеници, претставници на Агенцијата и Мисијата на ОБСЕ.

Пет пати пониско од просекот за октомври е нивото на реката Црн Дрим, покажуваат денешните хидролошки мерења.

Почитување на сообраќајните правила и прописи значи и правилна употреба на светлата во сообраќајот.  Со цел информирање и едукација на учесниците во сообраќајот, Републичкиот совет за безбедност на сообраќајот на патиштата во пресрет на зимата и зимското сметање на време ги потсетува учесниците во сообраќајот  кога, зошто и како правилно  да се користат светлата  во сообраќајот.

Екологисти од ЕД „Вила Зора“ ги потсетуваа надлежниот државен инспекторат и Министерството за животна средина дека и покрај забраната за работа поради одземења на А интегрираната еколошка дозвола фирмата „Техно Павер“, која стопанисува со Варницата, повеќе од четири и пол месеци продолжува против законско работење односно со загадување на воздухот на двете велешки населби Тунел и Превалец каде и е лоцирана.

Клиничка болница –Штип веќе на Фондот за здравствено осигуравање има вратено осум милион денари по оваа основа. Ѓеорѓијев забележува дека во наредниот период треба да се штеди, а категоричен е дека тоа нема да се одрази врз услугите кон пациенти.

Како што информираше Љупчо Чучковски, кој како претседател на планинарски спортски клуб „Голак" учествуваше на обуката, таа со помош на демонстратори се реализираше согласно програмата на Министерството за образование и наука, а во рамки на активностите на Комисијата за планинарски патеки при Федерацијата на планинарски спортови на Македонија.

По повод празникот 23 Октомври, денот на македонската револуционерна борба, пред спомениците на идеолозите и великаните на револуционерната борба родум од Прилеп, Ѓорче Петров и Пере Тошев во центарот на градот, делегагии на локалната самоуправа и на политичките партии положија свежо цвеќе и се поклонија пред спомен обележјата оддавајќи им почит на Ѓорче Петров и на Пере Тошев.