Како што истакнаа претставници на здружението на пензионери ова е значаен датум кој значи почеток на македонската организирана револуционерна борба.

Кичевските спортски риболовци за во февруари идната година најавија нова акција за порибување на Осломејското Езеро, откако минатиот викенд го извршија првото со рибен подмладок крап обезбеден од рибник кај Неготино. Иницијативата покрената од група ентузијасти и спортски риболовци од Кичево, е со цел ова вештачко езеро за краток период да се претвори во вистински рај за спортските риболовци и љубителите на убавата природа.

На 96-та седница Владата одлучи општините да добиваат финансиска поддршка за подмирување на долговите. Ќе се отворат центри за ран детски развој во 9 нови општини, а книжевното творештво ќе биде претставено на саемите во Франкфурт, Тирана и во Пула.

Во рамки на проектот „Тема за дилема“ денес во Битола започнаа да се реализираат работилници со средношколци од седум средни училишта од Битола.

Во организација на библиотекарското здружение на Македонија, денеска во просториите на јавната локална библиотека „Илинден“ во Делчево, по деветнесетти пат се одржа општинскиот натпревар „Млади библиотекари“. Според информациите на директорката Билјана Петровска, на натпреварот учествувале 16 ученици од двете општински основни училишта во Делчево

Меѓународното движење на Црвениот крст и Црвената полумесечина, клучните одговорности и обврски кои прозлегуваат од нивните активности како помошници на властите во државата и во услови на делување во кризни состојби. Ова беа темите на денешната работилница за унапредување на вештините за информирање и комуникации во кризни состојби, во организација на Црвениот крст на Република Македонија.

Велешката комунална градска депонија е во катастрофално лоша состојба, оцени градоначалникот на Велес Аце Коцевски. Тоа, како што појасни за медиумите, го заклучил од увидот при две неодамнешни ненајавени посети.

Нема да дозволиме загадувачка индустрија во Кавадарци, реагираат од Еколошкото друштво “Тисовец” од кавадаречкото село Возарци. Претседателот на душтвото, Сашко Данов во изјава за МИА, нагласува дека ваквата нивна реакција доаѓа, откако е објвена комерцијална информација, за поднесено известување за намера за изведување проект, за нови линии за проширување на асортиман и нови производи, за потребите на кавадаречка компанија.

Почна официјалната постапка Лесново да стане првиот Геопарк во Македонија, под заштита на УНЕСКО.

Македонското здружение за заштита при работа со низа настани ќе ја одбележи Европската недела за заштита при работа која годинава е посветена на управувањето со опасни материи.